బి.కె. ప్రొడక్షన్ పతాకంపై శివ జొన్నలగడ్డ హీరోగా నటిస్తూ దర్శకత్వం వహిస్తున్న చిత్రం ‘దమ్మున్నోడు’. బాలాజీ కొండేకర్, రేణుక కొండేకర్ నిర్మిస్తున్న ఈ చిత్రంలో ప్రియాంశ, గీతాంజలి, స్వప్న హీరోయిన్లు. ఈ చిత్రం మంగళవారం హైదరాబాద్‌లో గ్రాండ్‌గా ప్రారంభమైంది. ఈ కార్యక్రమానికి ముఖ్య అతిథులుగా విచ్చేసిన సీనియర్ నిర్మాత ప్రసన్నకుమార్ క్లాప్‌నివ్వగా మరో నిర్మాత తుమ్మలపల్లి రామసత్యనారాయణ కెమెరా స్విచాన్ చేశారు. ఈ సందర్భంగా హీరో, డైరెక్టర్ శివ జొన్నలగడ్డ మాట్లాడుతూ “పవర్‌ఫుల్ స్టోరీ, మాస్ ఎలిమెంట్స్, భారీ ఫైట్స్, సాంగ్స్‌తో రూపొందుతోన్న సినిమా ఇది. ఫైట్‌తో షూటింగ్ ప్రారంభించాము. ఇందులో నాలుగు పాటలు అద్భుతంగా కుదిరాయి. మూడు షెడ్యూల్స్‌లో ఈ సినిమాను పూర్తి చేస్తాము”అని అన్నారు. ఈ చిత్రానికి సంగీతంః ఎల్.ఎం.ప్రేమ్, పాటలుః బాలాజీ కొండేకర్, డ్యాన్స్‌ః బ్రదర్ ఆనంద్.