- Advertisement -
బొలివియా: బస్సు లోయలో పడి 24 మంది దుర్మరణం చెందిన సంఘటన దక్షిణ అమెరికాలోని బొలివియాలో జరిగింది. పోలీసులు తెలిపిన వివరాల ప్రకారం… 34 మంది ప్రయాణికులతో బస్సు లాపాజ్ నుంచి టారిజాకు వెళ్తుండగా అబిషియా గ్రామ శివారులో అదుపు తప్పి లోయలో పడింది. ఈ ప్రమాదంలో 24 మంది దుర్మరణం చెందగా మరో 10 మంది తీవ్రంగా గాయపడ్డారు. క్షతగాత్రులను శాన్ జౌన్ డి డియోస్ ఆస్పత్రికి తరలించారు. బస్సు దాదాపు 100 మీటర్ల లోతు ఉన్న లోయలో పడడంతో మృతుల సంఖ్య పెరిగిందని రవాణా అధికారులు వెల్లడించారు. పోలీసులు, స్థానికులు అధికారులు ఘటనా స్థలానికి చేరుకొని సహాయక చర్యలు చేపట్టారు. డ్రైవర్ తప్పిదంతోనే ఈ ప్రమాదం జరిగి ఉంటుందని పోలీసులు భావిస్తున్నారు.
- Advertisement -