గ్రేట్ ఇండియా మీడియా హౌస్ పతాకంపై విదార్థ్, ధృవికలను హీరోహీరోయిన్లుగా పరిచయం చేస్తూ ‘భగత్ సింగ్ నగర్’ చిత్రాన్ని తెలుగు, తమిళ భాషలో ఏక కాలంలో చిత్రీకరించారు. ఈ సినిమా ఫస్ట్ లుక్‌కు లభించిన స్పందనపై నిర్మాతలు వాలాజా గౌరీ, రమేష్ ఉడత్తు మాట్లాడుతూ ఫస్ట్ లుక్‌కు మంచి స్పందన వచ్చినందుకు ఎంతో ఆనందంగా ఉందని చెప్పారు. చిత్ర దర్శకుడు వాలాజా క్రాంతి మాట్లాడుతూ “కథా పరంగా సినిమాను ఆంధ్ర, తమిళనాడు ప్రాంతాలతో పాటు కొన్ని కీలక ఘట్టాలను కేరళ ప్రాంతాలలో చిత్రీకరించాము. మా ప్రీ లుక్, ఫస్ట్ లుక్‌ని ఆదరించినట్టు మా సినిమాను కూడా ఆదరిస్తారని ఆశిస్తున్నాను. త్వరలో ‘భగత్ సింగ్ నగర్’ టీజర్‌తో వస్తాము”అని తెలియజేశారు. బెనర్జీ, రవి ప్రకాష్, మునిచంద్ర, మాస్టర్ పాంచజన్య, అజయ్ ఘోష్, ప్రభావతి, సంధ్య, జయకుమార్, హరిబాబు, జయచంద్ర, మహేష్, ఒమర్, శంకర్, వెంకటేష్ తదితరులు ఈ చిత్రంలో ప్రధాన పాత్రధారులు.