- Advertisement -
యంగ్ హీరో విష్వక్‌సేన్ నటిస్తున్న లేటెస్ట్ మూవీ ‘పాగల్’. ఈనెల 14న ఈ సినిమాను భారీ ఎత్తున విడుదల చేయడానికి ఫిల్మ్‌మేకర్స్ సన్నాహాలు చేస్తున్నారు. శనివారం ఈ సినిమా రిలీజ్ డేట్‌కు సంబంధించిన పోస్టర్‌ను విడుదల చేశారు. ఈ పోస్టర్‌లో విష్వక్ సేన్ కూల్ లుక్‌తో చేతిలో ఎర్రగులాబీని పట్టుకుని చిరునవ్వు చిందిస్తూ కనిపిస్తున్నాడు. వెనుక పోస్టర్‌లో మబ్బుల నుంచి లవ్ సింబల్ కనిపిస్తోంది. దీంతో ఈ సినిమా ప్రేమకథా చిత్రమని పోస్టర్ తెలియజేసింది. హిట్ చిత్రాల నిర్మాత దిల్‌రాజు సమర్పణలో శ్రీ వెంకటేశ్వర క్రియేషన్స్, లక్కీ మీడియా బ్యానర్స్‌పై బెక్కం వేణుగోపాల్ ఈ చిత్రాన్ని నిర్మిస్తున్నారు. నివేదా పేతురాజ్ లీడ్ హీరోయిన్‌గా నటిస్తున్న ఈ చిత్రంలో హీరోయిన్స్ సిమ్రాన్ చౌద్రి, మేఘా లేఖ కూడా కనిపించనున్నారు.
- Advertisement -