హైదరాబాద్: టాలీవుడ్ నాచురల్ స్టార్ నాని తాజాగా నటించిన చిత్రం ‘టక్ జగదీశ్’. ఈ మూవీలో నాని సరసన రీతూ వర్మ కథానాయికగా నటిస్తోంది. ‘నిన్నుకోరి’ ఫేం డైరెక్టర్ శివ నిర్వాణ దర్శకత్వం వహించిన ఈ మూవీ ఫ్యామిలీ ఎంటర్ టైనర్ గా రూపొందింది. ప్రస్తుతం థీయేటర్స్ తెరవడంతో వరుసగా సినిమాలు విడుదలకు సిద్ధమవుతున్నాయి. దీంతో ‘టక్ జగదీశ్’ కూడా థీయేటర్స్ విడుదల కానుందని అభిమానులు భావించారు. ఈ నేపథ్యంలో మూవీ విడుదలపై నాని తాజాగా ప్రెస్ నోట్ రిలీజ్ చేశాడు.
”థియేట‌ర్స్‌లో సినిమాలు చూసేందుకు ఇష్ట‌ప‌డే పెద్ద అభిమానిని నేను. థియేట‌ర్స్‌లో ఫ్యామిలీతో కలిసి చూడాల్సిన చిత్రం ‘టక్ జగదీష్’. అయితే, ప్రస్తుత కరోనా పరిస్థితులు, వాటి వల్ల నిర్మాతలు ఎదుర్కొంటున్న సవాళ్లు, వారి ఒత్తిళ్లకు, థియేటర్లో సినిమాలు చూడాలనే నాలోని అభిమాని మధ్య అలిసిపోయాను. ఆంధ్రలో థియేటర్ల మీద అనేక ఆంక్షలున్నాయి. విదేశాల్లోనూ పరిస్థితులు దారుణంగానే ఉన్నాయి. నాకు నిర్మాతల పట్ల ఎప్పుడూ కూడా గౌరవభావం ఉంది. సినిమాలను నిర్మించే వారికి అన్ని నిర్ణయాలను తీసుకునే హక్కు ఉంటుంది. ‘టక్ జగదీష్’ విషయంలో షైన్ స్క్రీన్ నిర్మాతలు ఏ నిర్ణయం తీసుకున్నా గౌరవిస్తాను. వాటికి కట్టుబడి ఉంటాను. ఏ ప‌ద్ధ‌తిలోనైన మీముందుకు వ‌చ్చేందుకు వంద శాతం ప్ర‌య‌త్నిస్తాను” అని నాని లేఖలో పేర్కొన్నాడు. దీంతో ‘టక్ జగదీశ్’ ఓటిటిలోనే విడుదల కాబోతున్నట్లు స్పష్టమైంది.
Love always.#TuckJagadish pic.twitter.com/aB4uhTz7iW
— Nani (@NameisNani) August 18, 2021
Actor Nani Released a letter on ‘Tuck Jagadish’