ఆశిష్‌ను హీరోగా పరిచయం చేస్తూ దిల్ రాజు, శిరీష్‌లు నిర్మిస్తున్న తాజా చిత్రం ‘రౌడీ బాయ్స్’. దిల్‌రాజు ప్రొడక్షన్, ఆదిత్య మ్యూజిక్ అసోసియేషన్ కలిసి శ్రీ వెంకటేశ్వర క్రియేషన్స్ బ్యానర్‌పై దర్శకుడు హర్ష కొనుగంటి ఈ చిత్రాన్ని తెరకెక్కిస్తున్నాడు. ఈ చిత్రం ఫస్ట్ లుక్‌ను దర్శకుడు వి.వి.వినాయక్ విడుదల చేయగా, మోషన్ పోస్టర్‌ను దర్శకుడు సుకుమార్ విడుదల చేశారు. ఈ సందర్భంగా దిల్‌రాజు మాట్లాడుతూ “దర్శకుడు హర్ష ఈ చిత్రానికి ఔట్ అండ్ ఔట్ యూత్ కంటెంట్‌ను అందించాడు. అతను ఈ సినిమా బాగా తీశాడు.
సక్సెస్‌ఫుల్ సినిమా తీశానని ప్రొడ్యూసర్‌గా నేను నమ్ముతున్నాను. మా బ్యానర్‌లో శతమానం భవతి, హలో గురూ ప్రేమ కోసమే సినిమాలు చేసిన అనుపమ పరమేశ్వరన్ హీరోయిన్‌గా నటించింది”అని అన్నారు. హీరో ఆశిష్ మాట్లాడుతూ “నా ఫ్యామిలీ అందించిన సపోర్ట్ వల్లనే నేను హీరోగా చేయగలిగాను. దర్శకుడు హర్ష నాతో మంచి సినిమా చేశాడు”అని చెప్పారు. దర్శకుడు శ్రీహర్ష మాట్లాడుతూ “ఈ సినిమాతో శిరీష్ అబ్బాయి ఆశిష్ హీరోగా పరిచయమవుతున్నాడు. ఈ సినిమా రిలీజ్ తర్వాత అందరూ ఆశిష్ నాన్న శిరీష్ అంటారు”అని పేర్కొన్నారు. ఈ కార్యక్రమంలో హీరోయిన్ అనుపమ పరమేశ్వరన్‌తో పాటు చిత్ర బృందం పాల్గొంది.
చిత్ర యూనిట్ తాజాగా విడుదల చేయడం జరిగింది. ఈ పోస్టర్ లో ఆశిష్ చాలా కాన్ఫిడెంట్ గా కనిపిస్తున్నాడు. ఈ సినిమా కి సంబందించిన మోషన్ పోస్టర్ ఇప్పటికే వన్ మిలియన్ కి పైగా వ్యూస్ సాధించడం జరిగింది.
ఈ చిత్రం లో ఆశిష్ సరసన హీరోయిన్ గా అనుపమ పరమేశ్వరన్ హీరోయిన్ గా నటిస్తుంది. ఈ చిత్రానికి మాధి సినిమాటోగ్రఫీ అందిస్తుండగా, దేవి శ్రీ ప్రసాద్ సంగీతం అందిస్తున్నారు. ఈ చిత్రం ను ఈ ఏడాది అక్టోబర్ కి విడుదల చేసేందుకు చిత్ర యూనిట్ సన్నాహాలు చేస్తుంది.