హైదరాబాద్: జ‌బ‌ర్ధ‌స్త్ కమెడీయన్ ముక్కు అవినాష్ నిశ్చితార్థం వైభవంగా జరిగింది. మంగళవారం జరిగిన ఈ వేడుకకు ఇరు కుటుంబాలు, సన్నిహితులు హాజరయ్యినట్లు తెలుస్తోంది. ఈ సందర్భంగా అవినాష్ తన నిశ్చితార్థ ఫోటోలను షేర్ చేస్తూ..”మ‌న జీవితంలోకి సరైన వ్యక్తి వ‌చ్చిన‌ప్పుడు ఏ మాత్రం వెయిట్ చేయోద్దు. మా ఫ్యామిలీలు, మేము క‌లిసాం. వెంట‌నే ఎంగేజ్‌మెంట్ జరిగింది. మీరంతా నన్ను పెళ్లి ఎప్పుడు అని అడుగుతున్నారు. అతి త్వ‌ర‌లోనే నా అనూజ‌తో చేసుకోబోతున్నాను. ఎప్ప‌టిలానే మీ ఆశీర్వాదాలు ఉంటాయ‌ని కోరుకుంటున్నాను” అని పేర్కొన్నారు. దీంతో అవినాష్‌కు సోషల్ మీడియా ద్వారా అభిమానులు శుభాకాంక్ష‌లు తెలుపుతున్నారు.
కాగా, జ‌బ‌ర్ధ‌స్త్ ప్రొగ్రామ్ ద్వారా మంచి పేరు సంపాదించుకున్న అవినాష్.. ప్రముఖ రియాలిటీ షో బిగ్ బాస్ లోనూ సందడి చేసిన విషయం తెలిసిందే.
Comedian Avinash got engaged with Anuja