- Advertisement -
కోల్‌కతా: ఇండియన్ సూపర్‌లీగ్(ఐఎస్‌ఎల్ 2021-22) 8వ సీజన్ షెడ్యూల్ విడుదలైంది. నవంబర్ 19న ఎటికె మోబగాన్, కేరళ బ్లాస్టర్స్ మధ్య గోవాలోని ఫటోర్డా స్టేడియంలో జరగనున్న తొలి మ్యాచ్‌తో ఈ ఏడాది ఫుట్‌బాల్ సీజన్ ప్రారంభం కానుంది. 11 రౌండ్స్ తొలి మ్యాచ్‌ల షెడ్యూల్‌ను నిర్వాహకులు సోమవారం విడుదల చేశారు. ప్రతిరోజూ 7.30గంటల మ్యాచ్ జరగనుండగా.. వారంతం మ్యాచ్ లు రాత్రి 7.30గం.లకు, 9.30గం.లకు ప్రారంభం కానున్నాయి. ఆఖరి సీజన్‌లో వారంతం మ్యాచ్‌లు 5.30గం.లు, 7.30గం.లకే ప్రారంభమౌతాయి. ఐఎస్‌ఎల్ మిగిలిన మ్యాచ్‌ల షెడ్యూల్ డిసెంబర్‌లో విడుదల చేయనున్నారు. మొత్తం 115 మ్యాచ్‌లు గోవాలోని పండిట్ జవహర్‌లాల్ నెహ్రూ స్టేడియం(ఫటోర్డా), అథ్లెటిక్ స్టేడియం (బోంబోలిమ్), తిలక్ మైదాన్ స్టేడియం(వాస్కో)లలో నిర్వహించనున్నారు.
ISL 2021-22 to begin on Nov 19
- Advertisement -