పద్మజా ఫిల్మ్ ఫ్యాక్టరీ పతాకంపై రామ్ అగ్నివేశ్, రాజీవ్ కనకాల, కాలకేయ ప్రభాకర్, చిత్రం శ్రీను, చమ్మక్ చంద్ర, రచ్చ రవి, చింటు, రీతు, రేఖ నిరోషా, ఫిదా, కెప్టెన్ చౌదరి నటీనటులుగా ఋషిక దర్శకత్వంలో రూపొందుతున్న చిత్రం ‘ఇక్షు‘. హనుమంతు రావు నాయుడు, డాక్టర్ గౌతమ్ నాయుడు సమర్పణలో వస్తున్న ఈ సినిమాను ఐదు భాషల్లో విడుదలకు చేయడానికి సన్నాహాలు చేస్తున్నారు. ఈ సందర్భంగా చిత్ర యూనిట్ సినిమా ఫస్ట్ లుక్‌ను విడుదల చేశారు. ఈ సందర్భంగా డైరెక్టర్ ఋషిక మాట్లాడుతూ “మా హీరో రామ్ అగ్నివేశ్ మొదటి సినిమాలోనే చాలా అనుభవం ఉన్న హీరోలా నటించాడు. శుక్రవారం తన జన్మదినం సందర్భంగా సినిమా ఫస్ట్‌లుక్‌ను రిలీజ్ చేయటం జరిగింది. త్వరలోనే మా సినిమాను విడుదల చేస్తాము”అని అన్నారు. నిర్మాత హనుమంతు రావు నాయుడు మాట్లాడుతూ “గతం లో మేము రిలీజ్ చేసిన టీజర్‌కి ప్రేక్షకులు నుంచి మంచి స్పందన లభించింది. త్వరలో సినిమా ట్రైలర్‌ను లాంచ్ చేయబోతున్నాము. డిఫరెంట్ ఎంటర్‌టైనర్ ఇది”అని చెప్పారు.