హైదరాబాద్ ఆర్‌ఎం వెంకన్న
మన తెలంగాణ, హైదరాబాద్ : తెలంగాణ రాష్ట్ర రోడ్డు రవాణా సంస్థ దసరా పండగను పురస్కరించుకుని నాలుగు వేలకు పైగా బస్సులు నడుపుతుందని, హైరాబాద్ రీజినల్ మేనేజర్ చెరుకుపల్లి వెంకన్న తెలిపారు. ప్రయాణికులు మరింత మెరుగైన సౌకర్యం కల్పించేందుకు కృషి చేస్తున్నట్లు తెలిపారు. ఇందులో భాగంగా దసర పండుగను పురస్కరించుకుని తమ గమ్యస్థానాలకు చేరుకునేందుకు ప్రత్యేక ఏర్పాట్లు చేస్తున్నామన్నారు. ఒకే ప్రాంతానికి వెళ్ళాలనుకునే కాలనీ వాసులు, కార్మికులు, విద్యార్థులు ఎవరైనా 20 నుంచి 25 మంది ఉంటే వారు నివసించే ప్రాంతానికే బస్సులను పంపిస్తామన్నారు. ఇందుకోసం ప్రత్యేంగా ఒక 9959226160 నంబర్‌కు సమాచారం అందించాలన్నారు. ఒంగోలు, కందుకూరు వంటి దూర ప్రాంతాలకు వెళ్ళే ప్రయాణికులు ముందస్తుగానే తమ ప్రయాణం కోసం బస్‌ను బుక్ చేసుకునే అవకాశం కూడా కల్పిస్తుమన్నారు. తమ ప్రయాణాలను సులభతరం,సురక్షితం చేసుకోవాలని ఆకాంక్షించే ప్రయాణికులు సంస్థ కల్పిస్తు ఈ సౌకర్యాన్ని సద్వినియోగం చేసుకుని తద్వారా సంస్థ అభివృద్దికి సహకరించాలని ఆయన విజ్ఞప్తి చేశారు.