మనతెలంగాణ/ హైదరాబాద్: ప్రాణాలు అర్పించి తెచ్చుకున్న స్వరాష్ట్రాన్ని బంగారు తెలంగాణగా మార్చుతున్న కెసిఆర్ దేశంలో అత్యుత్తమ ముఖ్యమంత్రి అని మాజీమంత్రి మోత్కుపల్లి నర్శింహులు అన్నారు. సోమవారం ట్యాంక్‌బండ్‌లోని అంబేద్కర్ విగ్రహానికి, బషీర్‌బాగ్‌లోని బాబు జగ్జీవన్‌రావు.. అనంతరం గన్ పార్కు లోని అమరవీరుల స్థూపానికి ఆయన నివాళులు అర్పించారు. అనంతరం ఆయన తెలంగాణభవన్‌కు తరలివెళ్లారు. ఆయన వెంట ఎస్సీ, ఎస్టీ కార్పొరేషన్ మాజీ చైర్మన్ పిడమర్తి రవి, కార్యకర్తలు ఉన్నారు.ఈ సందర్భంగా మోత్కుపల్లి నర్సింహులు సీఎం కేసీఆర్‌ను ప్రశంసలతో ముంచెత్తారు. రాష్ట్రంలో పేదరికాన్ని రూపుమాపేందుకు దళితబంధు పెట్టిన ముఖ్యమంత్రి కేసీఆర్. రైతులను అప్పుల బారి నుంచి లేకుండా రైతును రాజు చేసేందుకు రైతుబంధు ఇస్తున్న ఏకైక ముఖ్యమంత్రి కెసిఆర్ అన్నారు.పేదలకు అండగా కల్యాణలక్ష్మీ,షాదీ ముబారక్ వంటి గొప్ప కార్యక్రమాలు పెట్టిన ఘనత కెసిఆర్‌కే దక్కుతుందన్నారు.