- Advertisement -
కర్నూల్: జిల్లాలో ఘోర రోడ్డు ప్రమాదం జరిగింది. మంగళవారం జిల్లాలోని ఆళ్లగడ్డ వద్ద ఓ కారు అదుపు తప్పి డివైడర్ ను ఢీకొట్టింది. అయితే, డివైడర్ ఢీకొన్న కారు.. రోడ్డు అవతలవైపు వెళ్తున్న బైక్ ను ఢీకొట్టింది. దీంతో బైక్ పై ఉన్న ముగ్గురు వ్యక్తులు సంఘటన స్థలంలోనే ప్రాణాలు కోల్పోయారు. కారులో ఉన్నవారికి స్వల్పంగా గాయాలయ్యినట్లు తెలుస్తోంది. సమాచారం అందుకున్న పోలీసులు వెంటనే ఘటనాస్థలానికి చేరుకుని మృతదేహాలను పోస్ట్ మార్టం నిమిత్తం ఆస్పత్రికి తరలించారు. అనంతరం ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. ఈ ప్రమాదానికి సంబంధించిన పూర్తి వివరాలు తెలియాల్సి ఉంది.
3 Killed in Road Accident in Kurnool
- Advertisement -