దిస్పూర్‌: అసోంలో ఘోర రోడ్డు ప్రమాదం జరిగింది. దరాంగ్‌ జిల్లాలోని బేసీమరి ప్రాంతంలోని జాతీయ రహదారిపై వేగంగా ఎదురుగా వచ్చిన ఓ కారు, ట్రక్కు రెండు ఢీకొన్నాయి. ఆదివారం సాయంత్రం జరిగిన ఈ ఘటనలో ఐదుగురు అక్కడికక్కడే మృతి చెందగా..మరో ముగ్గురు తీవ్రంగా గాయపడ్డారు. సమాచారం అందుకున్న పోలీసులు సంఘటనాస్థలానికి చేరుకుని క్షతగాత్రులను ఆసుప్రతిలో చికిత్స కోసం గౌహతి హాస్పిటల్‌కు తరలించారు. ప్రస్తుతం వారి పరిస్థితి విషమంగా ఉన్నట్లు వైద్యులు తెలిపారు.
మృతులను దర్రాంగ్‌ చెందిన ఫరీదుల్ ఇస్లాం, ఆజాద్ అలీ, ఇబ్రహీం అలీ, మంజువారా బేగం, సానియా అక్తర్‌గా పోలీసులు గుర్తించారు. వీరంతా యూట్యూబ్‌ ఛానెల్ వీడియో షూట్‌ కోసం రౌతా ప్రాంతానికి వెళ్లి తిరిగి వస్తున్న సమయంలో బేసీమరి జాతీయ రహదారిపై ప్రమాదం జరిగినట్లు పోలీసులు తెలిపారు. ఈ ఘటనపై కేసు నమోదు చేసుకుని దర్యాప్తు చేయనున్నట్లు పేర్కొన్నారు.
5 youtubers died in Road Accident in Dispur