హైదరాబాద్: హీరోయిన్ త్రిషకు అరుదైన గౌరవం దక్కింది. యునైటెడ్ అరబ్ ఎమిరేట్స్(యూఏఈ) ప్రత్యేకమైన గోల్డెన్ వీసాను త్రిష అందుకుంది. యూఏఈ ప్రభుత్వం తమ దేశంలో సినిమా రంగం అభివృద్ధి కోసం పలువురు సినీ ప్రముఖులను ప్రత్యేకంగా ఆహ్వానిస్తోంది. ఈ గోల్డెన్ వీసా అందుకున్నవారికి సుదీర్ఘకాలం పాటూ యూఏఈలో నివసించే అవకాశాన్ని కల్పించారు. ఇప్పటికే పలువురు భారతీయ సినీ ప్రముఖులకు గోల్డెన్ వీసాలను యూఏఈ ప్రభుత్వం అందించింది. ఈ క్రమంలో కోలీవుడ్ నుంచి త్రిషకు ఈ గోల్డెన్ వీసాను అందించింది. ఈ విషయాన్ని త్రిష సోషల్ మీడియా ద్వారా తెలిపింది. ‘గోల్డెన్ వీసా అందకున్న తొలి తమిళ యాక్టర్‌గా ఎంతో సంతోషిస్తున్నాను. దీన్ని గౌరవంగా భావిస్తున్నాను.. థాంక్ యూ’ అంటూ వీసా అందుకుంటోన్న ఫోటోను త్రిష పోస్ట్‌ చేసింది.
— Kundavai (@trishtrashers) November 3, 2021
Trisha Received UAE’s Golden Visa