ముంబయి: పారిశ్రామికవేత్త ముకేశ్ అంబానీ ఇల్లు ‘యాంటిలియా’ వద్ద సోమవారం పోలీసులు భద్రతను పెంచారు. ఇద్దరు వ్యక్తులు ఆ ఇంటి గురించి వాకబు చేశారన పోలీసులకు డైవర్ నుంచి ఫోన్ అందాక ఈ భద్రత పెంచారు. బిల్డింగ్ చుట్టూ సిసిటివి ఫుటేజ్‌ను కూడా చెక్ చేశారు. ఆ ఇంటివద్ద ఇదివరలో పేలుడు పదార్థాలతో నిండిన స్కార్పియో వాహనం ఆగి ఉండడంతో భద్రతను పెంచిన ఘటన తర్వాత కొన్ని నెలలకు మళ్లీ ఇప్పుడు భద్రతను పెంచారు. అప్పట్లో ఆ వాహనం నుంచి 20 గెలటిన్ స్టిక్స్ కూడా స్వాధీనం చేసుకున్నారు. ఆ కారు దొంగిలించబడిందని, ఆ తర్వాత ఆ కారు దొంగిలించిన వ్యక్తి హత్యకు గురయ్యాడని కూడా కథనం.
డ్రైవర్ వాంగ్మూలాన్ని రికార్డుచేశామని, పరిస్థితిని గమనిస్తున్నామని ఓ సీనియర్ పోలీస్ అధికారి చెప్పారు. రిలయన్స్ కంపెనీ చైర్మన్ ముకేశ్ అంబానీ 400000 చ.అ. ప్రదేశంలో 27 అంతస్తుల విలాసవంతమైన భవంతిని 2012లో నిర్మించుకున్నారు.