బాహబలి, కేజీయఫ్‌ల సరసన ‘కురుప్’ చేరుతుంది

దుల్కర్ సల్మాన్ హీరోగా నటిస్తూ స్వయంగా నిర్మించిన చిత్రం ‘కురుప్’. శ్రీనాథ్ రాజేంద్రన్ దర్శకత్వంలో తెరకెక్కిన ఈ చిత్రంలో శోభిత కథానాయిక. ఈ సినిమా మలయాళంతో పాటు తెలుగు, కన్నడ, తమిళ, హిందీ భాషల్లో శుక్రవారం విడుదల కానుంది. ఈ సంధర్భంగా హైదరాబాద్‌లో ఏర్పాటు చేసిన ప్రీ రిలీజ్ ఈవెంట్‌లో దుల్కర్ సల్మాన్ మాట్లాడుతూ “ఈ సినిమా నాకు ఎంతో స్పెషల్. టీజర్, ట్రైలర్‌లో మీరు చూసింది కేవలం ఒక్క శాతమే. సినిమా చూసే వాళ్లు ఖచ్చితంగా అద్భుతమైన అనుభూతికి లోనవుతారు. ఇది యూనివర్సల్ కాన్సెప్ట్, ఐడియా. అందుకే ఈ చిత్రాన్ని అన్ని భాషల్లో విడుదల చేస్తున్నాం”అని అన్నారు.

లగడపాటి శ్రీధర్ మాట్లాడుతూ “ఈ చిత్రాన్ని నేను చూశాను. ఇదో పీరియడ్ చిత్రం. బాహబలి, కేజీయఫ్‌లాంటి సినిమాల సరసన ‘కురుప్’ చేరుతుంది. ఈ చిత్రం సక్సెస్ అవుతుంది”అని తెలిపారు. శోభిత ధూళిపాళ్ల మాట్లాడుతూ “సినిమా రెండేళ్ల క్రితం పూర్తయింది. ఓటీటీలో రిలీజ్ చేస్తారేమో అని భయపడ్డాం. కానీ ఇప్పుడు ఇలా ఇన్ని భాషల్లో ఇంత పెద్ద ఎత్తున విడుదల చేస్తుండటం చాలా ఆనందంగా ఉంది. ఈ సినిమా కోసం మేం చాలా కష్టపడ్డాం” అని అన్నారు. ఈ కార్యక్రమంలో నిర్మాత రోహిత్ , డీఓపి నిమిష్ రవి, మాటల, కథ రచయిత విన్ని విశ్వ, హీరో భరత్, సంజయ్ పాల్గొన్నారు.

‘Kurup’ movie pre release event