శ్రీరాం, భావనా, ఆర్యమాన్, మహబూబ్ బాషా, కె.యస్.రాజు, బస్వరాజ్ నటీనటులుగా ఉమాశంకర్ దర్శకత్వంలో సిల్వర్ పిక్సెల్ మీడియా వర్క్ పతాకంపై నిర్మిస్తోన్న చిత్రం సాఫ్ట్ వేర్ బ్లూస్. ఈ చిత్రాన్ని ఈ నెల 31న విడుదల చేస్తున్న సందర్భంగా చిత్ర యూనిట్ పాత్రికేయుల సమావేశం ఏర్పాటు చేసింది. ఈ సందర్భంగా దర్శకుడు ఉమాశంకర్ మాట్లాడుతూ “నేను సాఫ్ట్‌వేర్ ఎంప్లాయ్‌ని. సాఫ్ట్ వేర్ జాబ్ చేస్తున్న వారికిచ్చిన టార్గెట్స్, టాస్క్ పూర్తి చేసే క్రమంలో వారు పడుతున్న టెన్షన్స్ ను చూపిస్తూ ఔట్ అండ్ ఔట్ ఫన్నీ కామెడీ ఎంటర్‌టైనర్‌గా ఈ మూవీ రూపొందించడం జరిగింది. చాలా సహజమైన కామెడీతో ఈ సినిమా నడుస్తుంది”అని అన్నారు. సిల్వర్ పిక్సెల్ మీడియా వర్క్ వి.కె రాజు మాట్లాడుతూ “ఇందులో పాటలు చాలా బాగున్నాయి.ఈ సినిమా ఖచ్చితంగా అందరికీ కనెక్ట్ అవుతుంది”అని తెలిపారు. ఈ కార్యక్రమంలో శ్రీరాం, భావన, మహబూబ్ బాషా, హనీష్, ఠాగూర్ రాంప్రసాద్ తదితరులు పాల్గొన్నారు.