‘పుష్ప’కు ప్రేక్షకులు ఫిదా..

ఐకాన్ స్టార్ అల్లు అర్జున్, సుకుమార్ కాంబినేషన్‌లో తెరకెక్కిన పాన్ ఇండియా మూవీ ‘పుష్ప’. శుక్రవారం ప్రేక్షకుల ముందుకు వచ్చిన ఈ చిత్రం హిట్ టాక్‌తో దూసుకుపోతోంది. ఈ సందర్భంగా దర్శకుడు సుకుమార్ మీడియాతో ముచ్చటిస్తూ ‘పుష్ప’ పార్ట్ 2 గురించి పలు విషయాలను వెల్లడించారు. ఆయన చెప్పిన విశేషాలు…

బన్నీ అద్భుత నటన…
‘పుష్పః ది రైజ్’ చిత్రానికి అద్భుతమైన స్పందన వస్తున్నందుకు ఆనందంగా ఉంది. అల్లు అర్జున్ నటన, యాక్షన్ సన్నివేశాలకు ప్రేక్షకులు ఫిదా అవుతున్నారు. పుష్పరాజ్ అనే ఊర మాస్ అవతారంలో బన్నీ అద్భుతంగా నటించాడు.
ఫిబ్రవరి నుండి పార్ట్ 2…
ఇక అసలు కథంతా సినిమా పార్ట్ 2 ‘పుష్పః ది రూల్’లోనే ఉంటుంది. దానికి లీడ్‌లా పుష్ప క్యారెక్టర్‌తో చెప్పిన కథే ‘పుష్పః ది రైజ్’. పార్ట్ 2 షూటింగ్ ఫిబ్రవరి నుండి మొదలు పెడతాం.
స్రిప్ట్ రెడీ…
‘పుష్పః ది రూల్’ షూటింగ్‌తో సహా అన్ని కార్యక్రమాలను పూర్తి చేసి వచ్చే ఏడాది అక్టోబర్ లేదా మళ్ళీ ఇదే డేట్‌కి రిలీజ్ చేయాలని సన్నాహాలు చేస్తున్నాం.‘ పుష్పః ది రైజ్’లో ఉండే పాత్రలే ఇందులోనూ ఉంటాయి. కాకపోతే ఒకటి లేదా రెండు పాత్రలు వచ్చే అవకాశం ఉంది. ప్రస్తుతం రెండవ భాగానికి సంబంధించిన స్క్రిప్ట్ రెడీగా ఉంది. షూటింగ్ మొదలు పెట్టడమే ఆలస్యం.
మరింత నమ్మకంగా…
‘పుష్పః ది రైజ్’లో ద్రాక్షాయణిగా ప్రేక్షకులను అలరించిన అనసూయ పాత్రతో పాటు మిగతా పాత్రలకు రెండో భాగంలో చాలా ప్రాధాన్యత ఉంటుంది. పార్ట్ 2 ‘పుష్పః ది రూల్’పై మరింత నమ్మకంగా ఉన్నాము.
మరో సినిమాతో పోల్చకూడదు…
‘పుష్ప’ సినిమాను మరో సినిమాతో పోల్చకూడదు. కమర్షియల్ ఫార్మాట్ లో నేచురల్‌గా తీసిన సినిమా ఇది. దీన్ని ‘కెజిఎఫ్’తోనో మరో సినిమాతో పోల్చడం సరికాదు.
తనను ఒప్పించి చేయించా…
ఈ చిత్రంలో ముందుగా సమంత స్పెషల్ సాంగ్ చేయనని చెప్పింది. కానీ తనని ఒప్పించి ఈ సాంగ్ చేయించాను. ఈ సాంగ్‌కి థియేటర్స్‌లో అద్భుతమైన స్పందన వస్తోంది. ప్రస్తుతం ‘పుష్ప ది రైజ్’కి భారీ కలెక్షన్స్ వస్తుండటం… నైజాం ఏరియాలో, హిందీలో మంచి కలెక్షన్స్ రావడం పట్ల ఎంతో సంతోషంగా ఉన్నాము.

Director Sukumar about Pushpa Movie