మాస్ మహారాజా రవితేజ హీరోగా రూపొందుతోన్న యూనిక్ యాక్షన్ థ్రిల్లర్ ‘రామారావు ఆన్ డ్యూటీ’ మొత్తం షూటింగ్ పార్ట్ పూర్తి చేసుకుంది. పోస్ట్ ప్రొడక్షన్ పనులు కూడా శరవేగంగా జరుగుతున్నాయి. శరత్ మండవ దర్శకునిగా పరిచయమవుతున్న ఈ చిత్రాన్ని ఎస్‌ఎల్‌వి సినిమాస్ ఎల్‌ఎల్‌పి, ఆర్‌టి టీమ్ వర్క్ పతాకంపై సుధాకర్ చెరుకూరి నిర్మిస్తున్నాడు. ఈ సందర్భంగా మేకర్స్ సినిమా విడుదల తేదీని ప్రకటించారు. ‘రామారావు ఆన్ డ్యూటీ’ జూన్ 17న ప్రపంచవ్యాప్తంగా గ్రాండ్‌గా థియేటర్లలో రిలీజ్ చేయనున్నట్లు వెల్లడించారు. ఈ సందర్భంగా మేకర్స్ రవితేజ తీక్షణంగా చూస్తోన్న లుక్‌ను విడుదల చేశారు. ఇందులో కొన్ని భారీ రవాణా వాహనాలు అడవి గుండా వెళ్తుండడాన్ని ఆయన గమనిస్తున్నాడు. యదార్థ సంఘటనల ఆధారంగా ఈ చిత్రం రూపొందుతోంది. దివ్యాంశ కౌశిక్, రజిషా విజయన్ హీరోయిన్లుగా నటించారు. వేణు తొట్టెంపూడి ఒక కీలక పాత్రలో కనిపించనున్నాడు.
‘Ramarao On Duty’ to released on June 17th