- Advertisement -
మీ ఊహా శక్తి అతీతమైనది ‘మహారాజ’ మౌళి అంటూ దర్శక ధీరుడు రాజమౌళిని ఉద్దేశించి స్టార్ డైరెక్టర్ శంకర్ సోషల్ మీడియాలో ట్వీట్ చేశారు. రాజమౌళి రూపొందించిన భారీ పాన్ ఇండియన్ చిత్రం ఆర్‌ఆర్‌ఆర్ తాజాగా ప్రేక్షకుల ముందుకు వచ్చింది. ఈ క్రమంలో దర్శకుడు శంకర్ తనదైన శైలిలో ట్విట్టర్ ద్వారా దర్శకుడు రాజమౌళి, హీరోలు రామ్ చరణ్, ఎన్టీఆర్‌లపై ప్రశంసలు కురిపించారు. “ఆర్‌ఆర్‌ఆర్‌కి ఒక కొత్త అర్ధాన్ని వివరిస్తూ.. మాకు ఓ గొప్ప అనుభూతిని ఇచ్చినందుకు చిత్ర యూనిట్ అందరికీ చాలా థాంక్స్. రామ్‌చరణ్, ఎన్టీఆర్‌ల నటన అద్భుతం. మీ ఊహా శక్తి అతీతమైనది హ్యాట్సాఫ్ ‘మహారాజ’ మౌళి” అంటూ ఆసక్తికరమైన వ్యాఖ్యలు చేశారు.
- Advertisement -