- Advertisement -
11 వేలకు దిగొచ్చిన క్రియాశీల కేసులు
న్యూఢిల్లీ : దేశంలో కరోనా వైరస్ వ్యాప్తి కట్టడి లోనే ఉంది. కొత్త కేసులు, మరణాల్లో స్వల్ప హెచ్చుతగ్గులు, కొనసాగుతున్నాయి. తాజాగా కేసులు 36 శాతం మేర పెరగ్గా, 70 కి పైగా మరణాలు నమోదయ్యాయి. బుధవారం ఆరోగ్యశాఖ వివరాల ప్రకారం మంగళవారం 4.8 లక్షల మందిని పరీక్షించగా, 1,086 మందికి వైరస్ పాజిటివ్‌గా తేలింది. ముందురోజు కంటే దాదాపు 300 మేర కేసులు పెరిగాయి. పాజిటివిటీ రేటు 0.23 శాతానికి చేరింది. మొత్తం కేసులు 4.30 కోట్లు దాటాయి. గత 24 గంటల్లో 71 మరణాలు సంభవించాయి. అందులో కేరళ వాటానే 66 గా ఉంది. మొత్తం 5.21 లక్షల మంది ప్రాణాలు కోల్పోయారు. క్రియాశీల కేసుల సంఖ్య 11,871 కి తగ్గింది. రికవరీ రేటు 98.76 శాతంగా కొనసాగుతోంది. మంగళవారం 15.4 లక్షల మంది టీకా తీసుకోగా, ఇప్పటివరకు 185 కోట్లకు పైగా డోసులు పంపిణీ అయ్యాయి.
- Advertisement -