- Advertisement -
అగర్తలా : త్రిపుర ధలై జిల్లా జవహర్‌నగర్ ఏరియా లోని బెటాలియన్ హెడ్‌క్వార్టర్స్ బయట బిఎస్‌ఎఫ్ ఆఫీసర్ తన రివాల్వర్ తోనే కాల్చుకుని ఆత్మహత్య చేసుకున్నాడు. బుధవారం రాత్రి ఈ సంఘటన జరిగిందని పోలీసులు చెప్పారు. మృతుడు రాజస్థాన్‌కు చెందిన వ్యక్తి. ధలైలో ఎంకె పారా బోర్డర్ పోస్టులో బిఎస్‌ఎఫ్ ఆఫీసర్‌గా నియామకం అయ్యాడు. బుధవారం రాత్రి 9 గంటల ప్రాంతంలో ఆస్పత్రికి తీసుకెళ్లామని, అప్పటికే ఆయన చనిపోయాడని ధలై ఎస్‌పి రమేష్ యాదవ్ చెప్పారు. ఆత్మహత్యకు దారి తీసిన కారణాలపై దర్యాప్తు చేస్తున్నామని చెప్పారు.
- Advertisement -