విక్టరీ వెంకటేష్, మెగా ప్రిన్స్ వరుణ్ తేజ్, బ్లాక్ బస్టర్ దర్శకుడు అనిల్ రావిపూడి ఫన్ ఫ్రాంచైజీ ‘ఎఫ్3’తో థియేటర్లలో నవ్వులు పంచడానికి సమ్మర్ సోగ్గాళ్ళుగా రాబోతున్నారు. ఈ సినిమాని శ్రీ వెంకటేశ్వర క్రియేషన్స్ పతాకంపై దిల్ రాజు సమర్పణలో శిరీష్ నిర్మిస్తున్నారు. సోమవారం విడుదలైన అవుట్ అండ్ అవుట్ ఫన్‌ఫుల్ ’ఎఫ్3’ థియేట్రికల్ ట్రైలర్‌కు అన్ని వర్గాల ప్రేక్షకుల నుండి భారీ స్పందన వచ్చింది. ఈ ట్రైలర్ సక్సెస్ సెలబ్రేషన్స్ హైదరాబాద్ ఎఎంబి సినిమాస్‌లో నిర్వహించారు. ఈ వేడుకలో వెంకటేష్, వరుణ్ తేజ్, అనిల్ రావిపూడి, శిరీష్, తమన్నా, మెహ్రీన్, సోనాల్ చౌహాన్, అలీ తదితరులు పాల్గొన్నారు. ఈ ఈవెంట్‌లో విక్టరీ వెంకటేష్ మాట్లాడుతూ “ట్రైలర్‌కి అద్భుతమైన స్పందన వచ్చింది. ‘ఎఫ్ 2’కంటే ‘ఎఫ్ 3’ అద్భుతమైన నవ్వులు పంచాలని సినిమా చేశాం. ఈనెల 27న సినిమా థియేటర్‌లోకి వస్తుంది”అని అన్నారు. వరుణ్ తేజ్ మాట్లాడుతూ “ఎఫ్ 2… మాకు ప్రాక్టీస్ మ్యాచ్ లాంటింది. ‘ఎఫ్ 3’ మెయిన్ మ్యాచ్. ఈ మ్యాచ్‌లో సిక్స్ కాదు బాల్ స్టేడియం బయటికి వెళ్తుంది”అని పేర్కొన్నారు. దర్శకుడు అనిల్ రావిపూడి మాట్లాడుతూ.. “ఎఫ్ 2 సినిమా రిలీజ్ అయిన తర్వాత తిరుపతి వెళ్ళినపుడు ఒక థియేటర్‌లో సినిమా రెస్పాన్స్ చూశా. ఒక ఫ్యామిలీ మొత్తం వరుసలో కూర్చుని హాయిగా ఆనందంగా నవ్వుకోవడం చూశాను. ఒకరిని నవ్వించడం ఎంత కిక్ వుంటుందో అప్పుడు అర్ధమైంది. అందుకే ‘ఎఫ్ 3’ని ప్రారంభించాను. ఈ సినిమాని ఆదరిస్తే ‘ఎఫ్ 4’ తీయడానికి కూడా రెడీ”అని తెలిపారు.
F3 Movie Trailer Launch Event