లెజెండ్ శరవణన్ మల్టీ లాంగ్వెంజ్ భారీ పాన్-ఇండియా చిత్రం ‘ది లెజెండ్’తో కథానాయకుడిగా పరిచయం అవుతున్నారు. ఎమోషన్, యాక్షన్, రొమాన్స్, కామెడీ, ఫ్యామిలీ కమర్షియల్ ఎలిమెంట్స్ కూడిన ఈ మాస్ చిత్రానికి కథ, స్క్రీన్‌ప్లే, దర్శకత్వం వహించారు జెడి-జెర్రీ. ఊర్వశి రౌటేలా కథానాయికగా నటిస్తున్న ఈ పాన్ ఇండియా చిత్రం జులై 28న ప్రపంచ వ్యాప్తంగా తమిళం, తెలుగు, కన్నడ, మలయాళం, హిందీ భాషల్లో గ్రాండ్ గా విడుదల కానుంది. శ్రీ లక్ష్మీ మూవీస్ సంస్థ తిరుపతి ప్రసాద్ ఈ చిత్రాన్ని తెలుగు రాష్ట్రాల్లో విడుదల చేస్తున్నారు. ఈ చిత్రం ప్రీరిలీజ్ ఈవెంట్ హైదరాబాద్‌లో గ్రాండ్‌గా జరిగింది. ఈ ఈవెంట్‌లో లెజెండ్ శరవణన్, ఊర్వశి రౌటేలా, లక్ష్మీ రాయ్, జేడీ జెర్రీ, ఎన్వీ ప్రసాద్, ఠాగూర్ మధు తదితరులు పాల్గొన్నారు.
ఈ కార్యక్రమంలో లెజెండ్ శరవణన్ మాట్లాడుతూ… ఒక సామాన్య మనిషి ఎలా లెజెండ్‌గా ఎదిగాడు? అతని ప్రయాణంలో ఎలాంటి సవాల్ ని అధిగమించాడనేది ‘ది లెజెండ్’లో అద్భుతంగా చూపించాం. ఎమోషన్, యాక్షన్, రొమాన్స్, కామెడీ, ఫ్యామిలీ సహా అన్నీ ఎలిమెంట్స్ ఈ చిత్రంలో ఉన్నాయి” అని అన్నారు. ఎన్వీ ప్రసాద్ మాట్లాడుతూ… ఎంతో ప్యాషన్‌తో ఈ సినిమాని ప్రోడ్యుస్ చేసి లెజెండ్ శరవణన్ యాక్ట్ చేశారు. కొత్త కథ, కొత్త కంటెంట్‌ను తెలుగు ప్రేక్షకులు ఎప్పుడూ ఆదరిస్తారు. అటువంటి డిఫరెంట్ మూవీ ఇదీ అని అన్నారు. ఊర్వశి రౌటేలా మాట్లాడుతూ… ది లెజెండ్ చిత్రంతో తెలుగులో పరిచయం అవుతున్నందుకు చాలా ఆనందంగా వుంది. చాలా భారీ బడ్జెట్‌తో తీసిన చిత్రమిది అని అన్నారు. ఈ కార్యక్రమంలో జెడి, జెర్రీ, లక్ష్మీరాయ్ తదితరులు పాల్గొన్నారు.
‘The Legend’ Pre Release Event in Hyderabad