ఐకాన్ స్టార్ అల్లు అర్జున్ హీరోగా, స్టార్ బ్యూటీ రష్మికా మందన్నా హీరోయిన్‌గా, క్రియేటివ్ దర్శకుడు సుకుమార్ తెరకెక్కించిన పాన్ ఇండియా భారీ హిట్ చిత్రం ‘పుష్ప’ భారీ హిట్‌గా నిలిచిన విషయం తెలిసిందే. ఈ సినిమా సీక్వెల్ ‘పుష్ప2’ కోసం పాన్ ఇండియా ప్రేక్షకులు ఎంతో ఆసక్తిగా ఎదురు చూస్తున్నారు. ప్రస్తుతం ఫిల్మ్ మేకర్స్ ఈ సినిమా పనుల్లోనే బిజీగా ఉన్నారు. తాజాగా ఈ సినిమా సంగీత దర్శకుడు దేవిశ్రీ ప్రసాద్ ఆసక్తికరమైర అప్డేట్ ఇచ్చారు. “ప్రస్తుతానికి సినిమాలో మూడు పాటలు పూర్తయ్యాయి. ఈ సినిమా షూటింగ్‌ని సెప్టెంబర్ నుంచే స్టార్ట్ చెయ్యాలని సన్నాహాలు చేస్తున్నామని దేవిశ్రీ తెలిపాడు”. దీంతో ఈ ఆసక్తికరమైన అప్డేట్ ప్రస్తుతం సోషల్ మీడియాలో జోరుగా వైరల్ అవుతోంది. మైత్రిమూవీ మేకర్స్ నిర్మిస్తున్న ‘పుష్ప 2’లో ఫహాద్ ఫాజిల్ విలన్‌గా నటించనున్నారు.
Pushpa 2 movie shoot will start from Sep