బెంగళూరు: నగరంలోని ఎఆర్ మార్కెట్ ప్రాంతంలో ఉన్న ఫ్లై ఓవర్‌పై నుంచి ఓ వ్యక్తి 10 రూపాయల కరెన్సీ నోట్లు గాలిలో విసిరేయడం కలకలం రేపింది. మంగళవారంపదయం జరిగిన ఈ సంఘటనతో కొద్ది నిమిషాల పాటు ఆ ప్రాంతంలో ట్రాఫిక్ స్తంభించిపోయింది. రోడ్డు ప్రయాణిస్తున్న వాహనదారులు కరెన్సీ నోట్లు ఎగిరి రావడం చూసి తమ వాహనాలను ఎక్కడికక్కడ ఆపేసి వాటిని పట్టుకోవడానికి ప్రయత్నించడంతో గందరగోళ వాతావరణం ఏర్పడింది.
A former Kabaddi player created a sensation by throwing Rs 10 notes in the air at the KR Market flyover on Tuesday morning. The police have traced the person and are interrogating him. #Viralvideo pic.twitter.com/ckR6vCmAsN
— Naayla Dania (@NaaylaD) January 24, 2023
పోలీసులు వెంటనే స్పందించి ఆ వ్యక్తిని అదుపులోకి తీసుకున్నారు. ఆ నోట్లు విసిరిన వ్యక్తి మాజీ కబడ్డీ క్రీడాకారుడని, అతని మానసిక పరిస్థితి బాగాలేదని పోలీసులు తెలిపారు. రూ. 3,000 విలువైన రూ. 10 నోట్లు ఆ వ్యక్తి గాలిలో విసిరినట్లు పోలీసులు తెలిపారు. ఇందుకు సంబంధించిన వీడియో సోషల్ మీడియాలో వైరల్ అవుతోంది.