ఇటీవలి కాలంలో ప్రపంచంలో మొబైల్ ఫోన్లు బాగా వృద్ధి చెందా యి. ప్రజలంతా మొబైల్ ద్వారా సంప్రదింపులు జరుపుకుంటున్నారు. వేరు వేరు చోట్ల నివాసం ఉండే ప్రజలు, కేవలం మొబైల్ ఫోన్ ద్వారా సంభాషించుకోవడానికి బాగా అలవాటుపడ్డారు. మొబైల్ ఫోన్లు వ్యక్తుల జీవితాలపై ఎక్కువ ప్రభావం చూపుతాయని అర్ధం అవుతుంది. అయితే మొబైల్ వలన ప్రజలకు లాభాలు ఉన్నట్టే, నష్టాలు కూడా ఉంటాయి. సుదూర ప్రాంతాలలో నివసించే స్నేహితులతో, బంధువులతో వెనువెంటనే సంభాషణలు చేయవచ్చును. వీడియో కాలింగ్ ద్వారా కూడా ఒకరినొకరు చూసుకుంటూ సంభాషించుకోవచ్చును.
ఈ విధంగా స్మార్ట్ ఫోన్ ప్రజల మధ్య కమ్యూనికేషన్‌కు బాగా ఉపయోగపడుతుంది.వ్యాపారస్థులకు కూడా స్మార్ట్‌ఫోన్ చాలా ఉపయోగం.ఇంటర్నెట్ ద్వారా అనేక విషయాలను స్మార్ట్ ఫోన్ ద్వారా తెలుసుకోవచ్చును. పాటలు వినవచ్చును. వీడియోలు చూడవచ్చును. వివిధ అప్లికేషన్స్ ద్వారా కొన్ని కంప్యూటర్‌లో చేయగలిగే పనులు కూడా స్మార్ట్ ఫోన్ ద్వారా చేసుకోవచ్చును. మొబైల్స్ మన జీవితంలో భాగమైపోతున్నాయి. స్మార్ట్‌ఫోన్ ప్రయోజనకారిగా ఉంటూ, మనకు నష్టం కూడా చేస్తుంది. ముఖ్యంగా స్మార్ట్ ఫోన్ నుండి వచ్చే రేడియేషన్ వ్యక్తి ఆరోగ్యాన్ని దెబ్బ తీస్తుందని వైద్యులు సూచిస్తారు. ఇంకా పిల్లలకు స్మార్ట్ ఫోన్ అలవాటుగా మారు తూ, వారిని భౌతిక ఆటలకు దూరం చేయడంలో స్మార్ట్ ఫోన్ ప్రభావం చూపుతుంది. అంతేకాదు కొందరికి స్మార్ట్ ఫోన్ వ్యసనంగా మారుతుంది. కొందరు ఆటలు ఆడుతూ స్మార్ట్ ఫోనుతోనే ఎక్కువగా కాలం గడిపేస్తూ ఉంటారు. కొందరు ఏదో వీడియోలు చూస్తూ స్మార్ట్ ఫోనుతోనే సన్నిహితంగా ఉంటారు. ఏదో ఒక అంశం స్మార్ట్‌ఫోను వ్యక్తిని ఆకర్షిస్తూ, అతనిని భౌతిక సమాజం నుండి దూరం చేయడంలో స్మార్ట్ ఫోన్ కీలక పాత్ర పోషిస్తుంది. స్మార్ట్ ఫోన్ వాడకం పెరిగాకా కుటుంబ జీవనంలో కూడా వ్యత్యాసాలు వస్తున్నాయని అంటారు.
ఉపయోగించుకుంటే స్మార్ట్ ఫోన్ ద్వారా అనేక విద్యా విషయాలను తెలుసుకోవచ్చును. అలాగే అనవసర విషయాల వైపు కూడా ఆకర్షితులయ్యే అవకాశం స్మార్ట్ ఫోన్ వలన అధికంగా ఉంటుంది. ఇంకా స్మార్ట్ మోసాలు కూడా పెరుగుతూ, డబ్బులు పోగొట్టుకునేవారు కూడా మనకు వార్తాసమాచారంలో కనబడుతూ ఉంటారు. ఏదైనా ఒక వస్తువుని ఎంతవరకు అవసరమో అంతవరకు మాత్రమే ఉపయోగిస్తే, ఆ వస్తువు అతనికి ఉపకారిగా మారుతుంది. అదే వస్తువుతో ఎక్కువసేపు గడిపితే, ఆ వస్తువు అతనికి లాభం కన్నా నష్టం ఎక్కువ చేస్తుంది. ఈవిధంగా ఆలోచన చేసినప్పుడు స్మార్ట్ ఫోన్ ముందుగా నష్టపరిచేది, వ్యక్తిని ఒంటరిని చేయడమే. పిల్లలు అన్నం తినడానికి, పేచిపెడుతుంటే, చందమామను చూపిస్తూ, వారికి ఊసులు చెబుతూ అన్నం తినిపించేవారు. కానీ ఈ స్మార్ట్ కాలంలోఉన్న అమ్మలు.. పిల్లలకు స్మార్ట్ ఫోనులో చందమామ లేకపోతే, స్మార్ట్ ఫోనులో పిల్లల వీడియోలు పెడుతూ, అన్నం తినిపించడం జరుగుతుంది.
దీని వలన రేడియేషన్ కలిగిన ఫోన్ చిన్ననాటి నుండే పిల్లలతో మమేకం అవుతుంది. రేడియేషన్ ఎంత హానికరమో? వైద్యులు చెబుతూనే ఉంటారు. కానీ కొందరు చేసే ఈ పనుల వలన పిల్లలకు చిన్ననాటి నుండే స్మార్ట్ ఫోనే అంటే ఆసక్తి పెరుగుతుంది. చదువుకునే వయస్సులో టీచర్ ద్వారా చెప్పబడే పాఠాలు వినడం వలన విద్యార్ధికి ఊహా శక్తి పెరుగుతుంది. కానీ స్మార్ట్ ఫోన్ ద్వారా తెలుసుకోవడం వలన ప్రయోజనం కన్నా స్మార్ట్ ఫోన్‌పై ఆధారడడానికి అలవాటుపడే అవకాశం ఎక్కువ అంటారు. మొబైల్ ఫోన్లు రేడియో ఫ్రీక్వెన్సీ రేడియేషన్‌ను విడుదల చేస్తాయి, ఇది వాటిని కవరేజీని అందించే సెల్ టవర్‌లకు కలుపుతుంది. స్మార్ట్‌ఫోన్‌లు విడుదల చేసే సిగ్నల్‌ను ఎలక్ట్రోమాగ్నెటిక్ రేడియేషన్ లేదా ఈ ఏంఎఫ్ అంటారు. ఈ విద్యుదయస్కాంత వికిరణం ఇతర రకాల రేడియేషన్‌లను కవర్ చేస్తుంది, అవి మొబైల్ ఫోన్‌లను ఉపయోగించినప్పుడు ఉప ఉత్పత్తులుగా విడుదలయ్యే వేడి, మైక్రోవేవ్‌లు వంటివి.
మన మొబైల్ ఫోన్‌లను మన చెవులకు దగ్గరగా ఉంచినప్పుడు, రేడియో తరంగాలు నేరుగా మన మెదడులోకి ప్రవేశిస్తాయి. ఇది మన మొత్తం ఆరోగ్యంపై తీవ్ర ప్రభావం చూపుతుంది. డబ్లుహెచ్‌ఒ ప్రకారం మొబైల్ ఫోన్ వినియోగానికి, క్యాన్సర్ ప్రమాదానికి మధ్య బలమైన సంబంధం ఉంది. పిల్లలు వారి శరీరాలు ఇంకా అభివృద్ధి చెందుతున్నందున మొబైల్‌ఫోన్‌ల చెడు ప్రభావాలకు చాలా హాని కలిగి ఉంటారు. అంతేకాకుండా, మొబైల్ ఫోన్‌లను తమ చేతుల్లో, జేబుల్లో లేదా బ్యాగ్‌లలో తీసుకెళ్లడం వల్ల ఈ ఎంఎఫ్‌కు ఎక్కువ బహిర్గతం అవుతుంది. పిల్లలు నిద్రపోతున్నప్పుడు వారి ఫోన్‌లను వారి తలలకు దగ్గరగా ఉంచడం వలన ఈ బహిర్గతం కొనసాగుతుంది. మొబైల్ ఫోన్‌ను ఉపయోగించడంవల్ల కలిగే ప్రధాన ప్రయోజనం ఏమిటంటే అవి కమ్యూనికేషన్ మోడ్‌ను సులభతరం చేయడం, చౌకగా చేయడం. తక్కువ ధర కారణంగా, మొబైల్ సరసమైనది, దాదాపు 95% మంది ప్రజలు కమ్యూనికేషన్ కోసం మొబైల్ ఫోన్‌లను ఉపయోగించే టెలికాం పరిశ్రమలో ఒక విప్లవం. మొబైల్ కమ్యూనికేషన్‌ను సులభతరం చేసింది. కేవలం మొబైల్‌లో కొన్ని కీలను నొక్కడం ద్వారా, తోటి స్నేహితులు, కుటుంబ సభ్యులు లేదా సహోద్యోగులను, ఇతరులను ఎప్పుడైనా సంప్రదించవచ్చు. వాయిస్ కాల్‌లు, వీడియో కాల్‌లు, టెకస్ట్ మెసేజ్‌లు, రికార్డ్ చేసిన కాల్‌లు, మరెన్నో వాటితో మన తోటి వ్యక్తిని సంప్రదించడానికి మొబైల్ సదుపాయాన్ని కూడా అందిస్తుంది. మొబైల్ ఫోన్‌ను ఉపయోగించడం వల్ల కలిగే ప్రధాన ప్రయోజనం ఏమిటంటే అవి తమ కమ్యూనికేషన్ కోసం మొబైల్ ఫోన్‌లను ఉపయోగించే టెలికాం పరిశ్రమలో ఒక విప్లవం.
మొబైల్ కమ్యూనికేషన్‌ను సులభతరం చేసింది, కేవలం మొబైల్‌లో కొన్ని కీలను నొక్కడం ద్వారా మేము మా స్నేహితులు, కుటుంబ సభ్యులు లేదా సహోద్యోగులను, ఇతరులను ఎప్పుడైనా సంప్రదించవచ్చు. వాయిస్ కాల్‌లు, వీడియో కాల్‌లు, టెకస్ట్ మెసేజ్‌లు, రికార్డ్ చేసిన కాల్‌లు , మరెన్నో వాటితో మన తోటి వ్యక్తిని సంప్రదించడానికి మొబైల్ సదుపాయాన్ని కూడా అందిస్తుంది. కుటుంబంలోని యువకులకు సైద్ధాంతిక, ఆచరణాత్మక ధోరణి అందించబడింది. కానీ, ఇంటర్నెట్‌ను అధికంగా ఉపయోగించడం వల్ల కుటుంబ సభ్యుల శారీరక, మానసిక ఐక్యత చాలా గణనీయంగా తగ్గిపోయింది. నేటి యువకులు వాస్తవంగా చాలా మంది వ్యక్తులతో కనెక్ట్ అయ్యారు.
కానీ వారి ముందు భౌతికంగా ఉన్నవారిని వారు రాజరికంగా విస్మరిస్తున్నారు. నేటి యువత ఈ వర్చువల్ ప్రపంచంతో చాలా ముందుగానే నిమగ్నమై ఉన్నాయి. వారు తమ ఆరోగ్యం, సంపద రెండింటినీ పణంగా పెడుతున్నారు. కుటుంబంలోని చిన్నవారు నేడు ఒంటరిగా ఉండేందుకు ఇష్టపడుతున్నారు. తమ వర్చువల్ కనెక్టివిటీకి అంతరాయం కలగకూడదని వారు కోరుకుంటున్నారు. వర్చువల్ పరివర్తన కుటుంబంలోని ప్రతి సభ్యుడిని ఏకాంతంగా ఉంచింది. వారు ఆహారం, నీరు లేకుండా జీవించగలరు కానీ ఇంటర్నెట్ లేకుండా జీవించలేరు. అందుకే అవసరానికి మించి మొబైల్ ను వాడకూడదు. మంచి కోసం మాత్రమే మొబైల్ ను వాడాలి తప్ప చెడును ప్రోత్సహించే విధంగా చూసుకునేలా మొబైల్ వాడకం ఉండకూడదు. ఆ దిశగా తల్లిదండ్రులు కానీ, ఉపాధ్యాయులు కానీ ప్రయత్నం చేయాలి.
మోటె చిరంజీవి
9949194327