- Advertisement -
హైదరాబాద్: తెలంగాణ బీజేపీ నుంచి సస్పెన్షన్‌కు గురైన గోషామహల్ ఎమ్మెల్యే రాజాసింగ్ కొత్త సచివాలయంలోకి ప్రవేశం నిరాకరించడంపై శనివారం తీవ్ర అసంతృప్తి వ్యక్తం చేశారు. సచివాలయంలో మంత్రి తలసాని శ్రీనివాస్‌యాదవ్‌ ఆధ్వర్యంలో ప్రజాప్రతినిధులతో సమావేశానికి తనను ఆహ్వానించినట్లు ఎమ్మెల్యే రాజాసింగ్ షేర్ చేసిన వీడియోలో తెలిపారు. భవనంలోకి ప్రవేశించకుండా భద్రతా సిబ్బంది అడ్డుకున్నారని ఆయన వెల్లడించారు.
సమావేశానికి ఆహ్వానించబడినప్పటికీ ప్రవేశం నిరాకరించడం పట్ల రాజా సింగ్ తన నిరాశను వ్యక్తం చేస్తూ ఒక వీడియోను పంచుకున్నారు. సచివాలయంలోకి ఎమ్మెల్యేను ఎందుకు అనుమతించరని ప్రశ్నించారు. కొద్ది రోజుల క్రితం ఎంపీ రేవంత్ రెడ్డిని కూడా సచివాలయంలోకి రాకుండా పోలీసులు అడ్డుకున్నారు.
- Advertisement -