ముషీరాబాద్: దేశంలో రాజ్యాంగం ద్వారానే ప్రజల మధ్య అసమానతలు తొలగి సామాజిక న్యాయం సాధ్యం అవుతోందని మాజీ ఎమ్మెల్సీ, ప్రొఫెసర్ కె. నాగే శ్వర్ అన్నారు. ప్రపంచ దేశాలలో రాజ్యాంగ నిరక్షరాస్యత కలిగిన భారత్‌లో రాజ్యాంగంపై ప్రజలకు అవగాహన కల్పించాల్సిన బాధ్యత ప్రభు త్వాలపైనే ఉందన్నారు. భారత రాజ్యాం గాన్ని బోధించాలి, భారత రాజ్యాంగ గ్రంథాన్ని కేంద్ర, రాష్ట్ర ప్రభుత్వాలు పంపిణీ చేయాలని డిమాండ్ చేస్తూ ధర్మ సమాజ్ పార్టీ (డిఎస్‌పి) ఆధ్వర్యంలో ఇందిరాపార్కు ధర్నా చౌక్‌లో సోమవారం ధర్నా నిర్వహించారు.
డిఎస్‌పి అధ్యక్షులు డాక్టర్ విశారధన్ మహారాజ్ అధ్యక్షతన జరిగిన ఈ కార్యక్రమానికి ప్రొఫెసర్ కె. నాగేశ్వర్ ముఖ్య అతిథిగా హజరై మాట్లాడుతూ అసమానతల మధ్య సమానత్వం సాధ్యం కాని పక్షంలోనే ప్రజల మధ్య అసమానతలను తొలగించేందుకే రిజర్వేష న్ల విధానం వచ్చిందన్నారు. చట్ట సభలలో రాజ్యాం గానికి లోబడి మాత్రమే చట్టాలు చేయాలన్నారు. లేదంటే, కోర్టులు కొట్టివేస్తాయన్నారు. దేశానికి పార్లమెంటు, ప్రధానమంత్రి, సుప్రీంకోర్టు కంటే కూడా రాజ్యాంగమే సుప్రీం అని స్పష్టం చేశారు. రాజ్యాంగంపై పౌరులందరూ అవగాహన కలిగి ఉండాలన్నారు. ఈ నినాదాన్ని రాజకీయ పార్టీ లన్నీ అందిపుచ్చుకోవాలన్నారు. రాజ్యాంగాన్ని బోధించడం ద్వారా ఉత్తమ పౌరులను తీర్చిదిద్దడంపై ప్రత్యేక సిలబస్‌ను రూపొందించాలన్నారు. ఈ సిలబస్‌ను పాఠ శాల స్థాయి నుంచి విశ్వవిద్యాలయం వరకూ పాఠ్యాంశంగా బోధించాలన్నారు.
న్యాయమూర్తులను కేంద్ర ప్రభుత్వం నియా మకం చేయడం రాజ్యాంగానికే ప్రమాదకరం అని హెచ్చరించారు. రాజ్యాంగాన్ని బట్టి పట్టకుండా అర్థం చేసుకోవాలని సూచించారు. డాక్టర్ విశా రధన్ మహారాజ్ మాట్లాడుతూ దేశంలో భారతీయ సంస్కృతి కంటే రాజ్యాంగ సంస్కృతిపై ప్రజలకు అవగాహన కల్పించాల్సిన అవసరం ఎంతై నా ఉందన్నారు. ప్రజలకు రాజ్యాంగాన్ని పంపిణీ చేయాలని కేంద్ర, రాష్ట్ర ప్రభుత్వాలను డిమాండ్ చేశారు. సమాంతర పత్రిక ఎడిటర్ వరుణ్ కుమార్, ప్రముఖ హైకోర్టు న్యాయవాది శ్రీనివాస్ యాదవ్, డిఎస్‌పి రాష్ట్ర నాయకులు రాఘవేంద్ర ముదిరాజ్, హరీష్ గౌడ్, రెహమాన్, లక్ష్మణ్ , కృష్ణ నాయక్, గణేష్, సాయిబాబా, రమేష్, రాజు, దుర్గా ప్రసాద్, సంధ్యారాణి, సుమన్, శ్రీకాంత్, కార్తీక్ తదితరులు పాల్గొన్నారు. ధర్నా ప్రారంభానికి ముందుగా రాజ్యాంగ పీఠికను ప్రతిజ్ఞ చేశారు.