కన్నడ హిట్ మూవీ తెలుగులోకి…

కన్నడలో సంచలన విజయం సాధించిన ‘తారకాసుర‘ చిత్రాన్ని అదే పేరుతో శ్రీజా మూవీస్ పతాకంపై విజయ్ భాస్కర్ రెడ్డి పాళ్యం తెలుగులో అందిస్తున్నారు. రవికిరణ్, – మాన్విత హరీష్ జంటగా నటించిన ఈ చిత్రానికి చంద్రశేఖర్ బండియప్ప దర్శకత్వం వహించారు. ఈ చిత్రం త్వరలో తెలుగులో రానున్న సందర్భాన్ని పురస్కరించుకుని హైదరాబాద్‌లో ఏర్పాటైన మీడియా సమావేశంలో విజయ్ భాస్కర్ రెడ్డి, శాంసన్ యోహాన్, తృప్తి శుక్లా, పద్మశ్రీ ఫేమ్ చక్రవర్తి పాల్గొనగా… దర్శకులు నగేష్ నారదాసి, నిర్మాతలు తుమ్మలపల్లి రామసత్యనారాయణ, సాయివెంకట్, పద్మిని నాగులపల్లి ముఖ్య అతిధులుగా హాజరై… కన్నడలో ఘన విజయం సాధించిన ‘తారకాసుర‘ చిత్రం తెలుగులోనూ సంచలనం సృష్టించాలని అభిలషించారు. నిర్మాత విజయ్ భాస్కర్ రెడ్డి మాట్లాడుతూ “తెలుగులో ‘తారకాసుర‘ చిత్రానికి కొన్ని మార్పులు చేర్పులు చేస్తున్నాం. అందుకోసం షూటింగ్ కూడా చేస్తున్నాం”అని తెలిపారు.