నేచురల్ స్టార్ నాని నూతన దర్శకుడు శౌర్యువ్ దర్శకత్వంలో చేస్తున్న పూర్తి ఫ్యామిలీ ఎంటర్‌టైనర్ ’హాయ్ నాన్న’. ఈ చిత్రం గ్లింప్స్‌కి అన్ని వర్గాల ప్రేక్షకుల నుంచి అద్భుతమైన స్పందన వచ్చింది. టీజర్ చివరలో మృణాల్ ఠాకూర్ నానిని ’హాయ్ నాన్నా’ అని పిలవడం ఆసక్తిని పెంచింది. గ్లింప్స్ సీక్వెన్స్ చూడడానికి అందంగా ఉండటంతో పాటు సినిమాలో వారి బంధాన్ని గురించి మరింత తెలుసుకోవాలనే ఆసక్తిని రేకెత్తించింది. మంగళవారం మృణాల్ ఠాకూర్ పుట్టినరోజు. ఈ సందర్భంగా ఆమెకు శుభాకాంక్షలు తెలుపుతూ మేకర్స్ సరికొత్త పోస్టర్‌ను విడుదల చేశారు.
మృణాల్ ఆకర్షణీయమైన చిరునవ్వుతో కనిపించగా, నాని బ్యాక్‌గ్రౌండ్‌లో కనిపించారు. చెవిపోగులు, ముక్కుపుడక ధరించింది మోడిష్ లుక్‌లో ఆకట్టుకున్నారు మృణాల్. వైర ఎంటర్‌టైన్‌మెంట్స్ పతాకంపై మోహన్ చెరుకూరి (సివిఎం), డాక్టర్ విజయేందర్ రెడ్డి తీగల ఈ చిత్రాన్ని భారీ ఎత్తున నిర్మిస్తున్నారు. ’హాయ్ నాన్న’ ఈ ఏడాది డిసెంబర్ 21న తెలుగు, తమిళం, కన్నడ, మలయాళం, హిందీ భాషల్లో ప్రేక్షకుల ముందుకు రానుంది.