పుంగనూరు: టిడిపి అధినేత చంద్రబాబు నాయుడు పర్యటన నేపథ్యంలో చిత్తూరు జిల్లా పుంగనూరులో తీవ్ర ఉద్రిక్తత నెలకొంది. ‘ప్రాజెక్టుల విధ్వంసం’ పర్యటనలో భాగంగా అంగళ్లు నుంచి పుంగనూరుకు బయలుదేరిన చంద్రబాబును అడ్డుకునేందుకు వైకాపా శ్రేణులు విశ్వప్రయత్నాలు చేస్తున్నాయి. రోడ్డుకు అడ్డంగా లారీని అడ్డుకోవద్దు. లారీ బ్లాక్‌ను తొలగించాలని ఆందోళన చేస్తున్న టీడీపీ కార్యకర్తలపై పోలీసులు లాఠీచార్జి చేశారు. ఈ క్రమంలో పోలీసు వాహనాన్ని గుర్తు తెలియని వ్యక్తులు ధ్వంసం చేశారు. దీంతో ఆగ్రహించిన పోలీసులు బాష్పవాయువు ప్రయోగించి గాల్లోకి కాల్పులు జరిపినట్లు సమాచారం. పోలీసుల లాఠీచార్జిలో పలువురు టీడీపీ కార్యకర్తలు గాయపడ్డారు.
పుంగనూరు పట్టణంలోకి చంద్రబాబు అడుగుపెట్టేందుకు వీలు లేదని పోలీసులు చెబుతున్నారు. చంద్రబాబు వెళ్లే మార్గంలో భీమగానిపల్లి వద్ద ప్రధాన రహదారిపై కంటైనర్ లారీ, వాహనాలను పోలీసులు అడ్డుకున్నారు. దీంతో పోలీసులు, టీడీపీ కార్యకర్తల మధ్య వాగ్వాదం చోటుచేసుకుంది. మరోవైపు అంగళ్లు నుంచి చంద్రబాబు కాన్వాయ్‌తో వెళ్తున్న టీడీపీ నేతల వాహనాలపై వైకాపా శ్రేణులు దాడి చేశారు. ఈ ఘటనలో 20కి పైగా కార్ల అద్దాలు ధ్వంసమైనట్లు తెలుస్తోంది.
పుంగనూరులో పెద్దిరెడ్డి ఉసిగొల్పిన వైసీపీ రౌడీలు రెచ్చిపోయారు. చంద్రబాబు గారు వచ్చే మార్గంలో లారీ అడ్డుపెట్టగా… లారీ అడ్డు తీయాలని తెలుగుదేశం కార్యకర్తలు ఆందోళనకు దిగారు. దీంతో పోలీసులు వైసీపీ రౌడీలను వదిలేసి టీడీపీ కార్యకర్తల పైనే లాఠీ ఛార్జ్ చేసి పలువురిని గాయపరిచారు.… pic.twitter.com/MBM1myWRtj
— Telugu Desam Party (@JaiTDP) August 4, 2023