టొయోటా రూమియన్ బుకింగ్‌లు ప్రారంభం

బెంగుళూరు: టయోటా కిర్లోస్కర్ మోటర్ (TKM), ఈరోజు అధికారికంగా బుకింగ్‌ల ప్రారంభాన్ని, దాని తాజా ఆఫర్ పూర్తి సరికొత్త టొయోటా రూమియన్ ధరలను ప్రకటించింది. దీనిని ఆగస్ట్’23 నెల ప్రారంభంలో విడుదల చేశారు. ఇది వినియోగదారుల నడుమ పూర్తి ఉత్సాహాన్ని కలిగిస్తుంది. ఆరు గ్రేడ్‌లలో అందుబాటులో ఉన్న ఈ అసాధారణమైన కొత్త కాంపాక్ట్ B-MPV దాని సాటిలేని స్థలం, సౌకర్యం, అద్భుతమైన ఇంధన సామర్థ్యం, ఆకర్షణీయమైన, ప్రీమియం బాహ్య డిజైన్‌తో కొత్త ప్రమాణాలను నిర్దేశిస్తుందని భావిస్తున్నారు. TKM యొక్క తాజా ఆఫర్ ఆకర్షణీయమైన ఎక్స్-షోరూమ్ ధరలలో రూ.10,29,000 నుండి రూ.13,68,000లో లభిస్తుంది. దీని డెలివరీలు సెప్టెంబర్ 8 నుండి ప్రారంభమవుతాయని అంచనా.

ఈ 7-సీటర్ MPV నియో డ్రైవ్ (ISG) టెక్నాలజీ, E-CNG టెక్నాలజీని కలిగి ఉండటం తో పాటుగా 1.5-లీటర్ K సిరీస్ పెట్రోల్ ఇంజన్‌తో శక్తివంతమైనది. ఇది స్పందనాయుత పనితీరు, పెట్రోల్ వేరియంట్ కోసం 20.51 km/l, CNG వేరియంట్ కోసం 26.1 కిమీ/kgల అద్భుతమైన ఇంధన సామర్థ్యాన్ని నిర్ధారిస్తుంది. 5-స్పీడ్ మాన్యువల్ ట్రాన్స్‌మిషన్, స్మూత్ 6-స్పీడ్ ఆటోమేటిక్ ట్రాన్స్‌మిషన్‌లో అందుబాటులో ఉంది, కొత్త ఆఫర్ వైర్‌లెస్ ఆండ్రాయిడ్ ఆటో, ఆపిల్ కార్‌ప్లేతో కూడిన 17.78 సెం.మీ స్మార్ట్‌ప్లే కాస్ట్ టచ్‌స్క్రీన్ ఆడియో సిస్టమ్‌తో సహా అధునాతన సాంకేతికతను కలిగి ఉంది. టయోటా ఐ-కనెక్ట్‌తో అమర్చబడి, ఇది క్లైమేట్ రిమోట్ కంట్రోల్, లాక్/అన్‌లాక్, హజార్డ్ లైట్లు, మరెన్నో కనెక్ట్ చేయబడిన ఫీచర్లను అందిస్తుంది. పూర్తి సరికొత్త టొయోటా రూమియన్ డ్యూయల్ ఫ్రంట్, ఫ్రంట్ సీట్ సైడ్ ఎయిర్‌బ్యాగ్‌లు, EBDతో కూడిన ABS, ఇంజిన్ ఇమ్మొబిలైజర్, ఎలక్ట్రానిక్ స్టెబిలిటీ ప్రోగ్రామ్ (ESP), మరెన్నో అధునాతన భద్రతా ఫీచర్లతో దాని యజమానుల భద్రతకు ప్రాధాన్యతనిస్తుంది.

అంతేకాదు, ఈ కొత్త B-MPV టొయోటా MPV సిగ్నేచర్ ఫ్రంట్ గ్రిల్, క్రోమ్ ఫినిషింగ్‌తో ఫ్రంట్ బంపర్, బ్యాక్ డోర్ క్రోమ్ గార్నిష్‌తో కూడిన LED టెయిల్ ల్యాంప్స్, మెషిన్డ్ టూ టోన్ అల్లాయ్ వీల్స్ వంటి దృఢమైన లక్షణాలతో కఠినమైన రూపానికి ఆకర్షణీయమైన, ప్రీమియమ్ ఎక్స్ టీరియర్ డిజైన్‌ను అందిస్తుంది. శైలి, అధునాతనతనూ చూపుతుంది. విలాసవంతమైన ఇంటీరియర్, వుడెన్ ఫినిషింగ్ డ్యాష్‌బోర్డ్ తో ప్రీమియం డ్యూయల్-టోన్, డోర్ ట్రిమ్‌లు, ప్రీమియం డ్యూయల్-టోన్ ఇంటీరియర్స్, అనుకూలమైన సౌకర్యాల శ్రేణిని అందిస్తుంది.

ఈ ప్రకటన చేసిన TKM, సేల్స్, స్ట్రాటజిక్ మార్కెటింగ్ వైస్ ప్రెసిడెంట్ అతుల్ సూద్ మాట్లాడుతూ.. “ కస్టమర్ ఎంక్వైరీల పరంగా పూర్తి సరికొత్త టయోటా రూమియన్ అందుకున్న అఖండమైన స్పందన పట్ల మేము చాలా ఆనందంగా వున్నాము. దీనిని ఒక గౌరవంగా భావిస్తున్నాము. చాలా కాలంగా ఎదురుచూస్తున్న పూర్తి సరికొత్త టొయోటా రూమియన్ ధరలను ప్రకటించినందుకు మేము సంతోషిస్తున్నాము. వీటి బుకింగ్‌లు ప్రారంభమయ్యాయి. వీటి ప్రారంభ ధరలు రూ. 10,29,000. పూర్తి సరికొత్త టొయోటా రూమియన్‌ను బుక్ చేసుకున్న కస్టమర్ కోసం వాహనాల డెలివరీ సెప్టెంబర్ 8, 2023 నుండి ప్రారంభమవుతుంది.

బ్రాండ్ యొక్క కస్టమర్ సెంట్రిక్ విధానానికి అనుగుణంగా, మారుతున్న కస్టమర్ ప్రాధాన్యతలను అర్థం చేసుకోవడానికి మరియు వారికి ఎప్పటికప్పుడు మెరుగైన కార్లను అందించడంపై దృష్టి పెట్టడానికి మేము నిరంతరం మార్కెట్‌ను అధ్యయనం చేస్తుంటాము. టొయోటా యొక్క విలువ జోడించిన ప్రతిపాదన, అద్భుతమైన విక్రయాల సేవతో దాని సాటిలేని స్థలం, అధునాతన ఫీచర్లు, అసాధారణమైన పనితీరుతో, పూర్తి సరికొత్త టొయోటా రూమియాన్ ఆహ్లాదకరమైన యాజమాన్య అనుభవం కోసం వెతుకుతున్న కుటుంబాలకు ఒక ప్రాధాన్య ఎంపికగా మారుతుందని మేము గట్టిగా నమ్ముతున్నాము. ప్రతి డ్రైవ్ సౌకర్యం, ఆనందం, మనశ్శాంతితో నిండి ఉంటుంది” అని అన్నారు.

టొయోటా రూమియన్‌ కస్టమర్ యాజమాన్య అనుభవాన్ని మెరుగుపరచడానికి అనుకూలీకరించిన ఫైనాన్స్ స్కీమ్‌లు మరియు సాటిలేని విలువ జోడింపులతో పాటుగా టయోటా సర్వీస్ ఆఫర్‌ల వారసత్వం సైతం జోడించారు. ఈ ఆఫర్‌లలో – విస్తరించిన వారంటీ & టయోటా జెన్యూన్ యాక్సెసరీస్ వంటి విలువ ఆధారిత సేవల కోసం ఫైనాన్స్ ఎంపికలు, వినియోగదారులకు ప్రయోజనకరంగా ఉండే ధరలు, సౌకర్యం పై దృష్టి సారిస్తాయి. ఇతర ఎంపికలలో 8-సంవత్సరాల ఫైనాన్స్ స్కీములు, పెరిగిన స్థోమతతో తక్కువ EMI, వాల్యూ యాడెడ్ సర్వీస్‌లకు ప్రీ-అప్రూవ్డ్ ఫండింగ్, టయోటా స్మార్ట్ ఫైనాన్స్ [బెలూన్ ఫైనాన్స్] ఆశావహ కొనుగోలుకు మద్దతుగా, అనేక రకాల ఎంపికలతో కస్టమర్‌లను అందించడం వంటివి ఉన్నాయి.

టొయోటా కొత్తగా ప్రవేశపెట్టిన 5-సంవత్సరాల కాంప్లిమెంటరీ రోడ్‌సైడ్ అసిస్టెన్స్, వారెంటీ – 3 సంవత్సరాలు/1,00,000 కిమీ ప్రామాణిక వారంటీ, దీనిని నామమాత్రపు ధరతో 5 సంవత్సరాలు/2,20,000 కిమీ వరకు పొడిగించవచ్చు. కస్టమర్‌లు ఇప్పుడు పూర్తి సరికొత్త టొయోటా రూమియన్‌ను రూ.11,000 టోకెన్ మొత్తానికి తమ సమీప డీలర్ అవుట్‌లెట్‌లో అలాగే ఆన్‌లైన్‌లో http://www.toyotabharat.comలో బుక్ చేసుకోవచ్చు. అన్ని టొయోటా ఉత్పత్తులను కలిగి ఉన్న టయోటా యొక్క వర్చువల్ షోరూమ్, తాజా ఆవిష్కరణ ల యొక్క సమగ్ర వీక్షణను అందిస్తుంది, కస్టమర్‌లు అత్యంత సౌకర్యంగా కేవలం ఒక క్లిక్‌తో వేరియంట్‌లు, రంగులు, ముఖ్య లక్షణాలను అన్వేషించడానికి అనుమతిస్తుంది