పలు రైళ్లను రద్దు చేసిన దక్షిణ మధ్య రైల్వే

ఈనెల 27వ తేదీ నుంచి వచ్చేనెల 10వ తేదీ వరకు
ప్రయాణికులకు అసౌకర్యం

మనతెలంగాణ/హైదరాబాద్:  దక్షిణ మధ్య రైల్వే ప్రయాణికులకు పలు రైళ్లను రద్దు చేసింది. విజయవాడ డివిజన్ బాపట్ల రైల్వేస్టేషన్ సమీపంలో మూడోలైను నిర్మాణంతో పాటు నాన్ ఇంటర్ లాకింగ్ పనులు కొనసాగుతుండడంతో పలు రైళ్లను రద్దు చేస్తున్నట్లు అధికారులు పేర్కొన్నారు. వచ్చేనెల 4, 6, 8 తేదీల్లో తిరుపతి-విశాఖ (రైలు నం.22708) డబుల్ డెక్కర్, అక్టోబర్ 5, 7, 9 తేదీల్లో విశాఖ- టు తిరుపతి (22707) డబుల్ డెక్కర్ రైలును రద్దు చేసినట్లు అధికారులు తెలిపారు. భువనేశ్వర్ టు తిరుపతి (02809) ప్రత్యేక రైలు ఈ నెల 30వ తేదీన, అక్టోబర్ 7 తేదీల్లో రద్దు చేసినట్లు దక్షిణ మధ్య రైల్వే తెలిపింది. తిరుపతి టు భువనేశ్వర్ (02810) ప్రత్యేక రైలు అక్టోబర్ 1, 8 తేదీల్లో, అక్టోబర్ 8వ తేదీన భువనేశ్వర్ టు తిరుపతి (22871), అక్టోబర్ 9వ తేదీన తిరుపతి టు భువనేశ్వర్ (22872) రైళ్లు రద్దయ్యాయి. అక్టోబర్ 2, 9 తేదీల్లో, చెన్నై సెంట్రల్ టు విశాఖ (22870), ఈ నెల 26, అక్టోబర్ 3, 10 తేదీల్లో సంబల్పూర్-ఈరోడ్ (08311) ప్రత్యేక రైలు రద్దయ్యాయి. ఈ నెల 27వ తేదీ, అక్టోబర్ 4వ తేదీన, ఈరోడ్- సంబల్పూర్ (08312) ప్రత్యేక రైలును అధికారులు రద్దు చేశారు. ఈ నెల 29వ తేదీన, అక్టోబర్ 6వ తేదీన, విశాఖ- టు బెంగళూరు కంటోన్మెంట్ (08543) స్పెషల్ రైలును, ఈ నెల 24వ తేదీ, అక్టోబర్ 1, 8 తేదీల్లో, బెంగళూరు కంటోన్మెంట్ -విశాఖ (08544) ప్రత్యేక రైలు ఈనెల 25వ తేదీన, అక్టోబర్ 2, 9 తేదీల్లో రద్దు చేసినట్లు అధికారులు తెలిపారు. అయితే, బొకారో ఎక్స్‌ప్రెస్ రైలు దారి మళ్లీంచినట్లు అధికారులు వివరించారు. ధన్‌బాద్- అలెప్పీ(13351) బొకారో ఎక్స్‌ప్రెస్ అక్టోబర్ 2, 10 తేదీల్లో నిడదవోలు, భీమవరం టౌన్, గుడివాడ, విజయవాడ మీదుగా నడుస్తుందని, ఆయా రోజుల్లో తాడేపల్లిగూడెం, ఏలూరు స్టాప్‌లను రద్దు చేసినట్లు అధికారులు వివరించారు.