#KRRWorks యూట్యూబ్ ఛానెల్‌లో 1M+ వ్యూస్ సాదించిన తెలుగింటి సంస్కృతి మ్యూజిక్ వీడియో విజయోత్సవ వేడుకలు టెక్సాస్‌లోని ఫ్రిస్కోలో ఆదివారం అద్భుతముగా జరిగాయి. ఈ విజయానికి దోహదపడిన దర్శకులు వి.ఎన్.ఆదిత్యకు నిర్మాత రాధా కృష్ణ హారతి హృదయపూర్వక కృతజ్ఞతలు తెలిపారు.
పలు టాలీవుడ్ సినిమాల్లో నటించి, “పెళ్లాం ఊరెళితే”, “ఇంద్ర” వంటి బ్లాక్ బస్టర్ చిత్రాలలో కీలక పాత్రలు పోషించిన ప్రఖ్యాత సినీ కళాకారిణి ప్రశాంతి హారతి ఈ మ్యూజిక్ వీడియోలో మంత్రముగ్ధులను చేసేలా కొరియోగ్రఫీ చేసి ఒక ముఖ్యమైన పాత్ర వహించారు. చిన్నప్పటి నుంచి తన తల్లి నుండి కూచిపూడి నృత్య కళను నేర్చుకుని ఆమె కుమార్తెన తాన్యా హారతి ఈ నిర్మాణంలో ప్రధాన పాత్ర పోషించారు. కిరణ్ గుడిపల్లి కూడా ఒక ముఖ్యమైన పాత్ర వహించారు.
ప్రతిభావంతులైన శ్యామ్ కట్రు, పృథ్వీ తేజ, కమల్ నందికొండలతో కూడిన కెమెరా బృందం, మ్యూజిక్ వీడియోలోని ప్రతి క్షణాన్ని కళాత్మకంగా ప్రదర్శించారు. ఈ వీడియోను తన ప్రతిష్టాత్మక యూట్యూబ్ ఛానెల్ #KRRWorksలో ప్రదర్శించినందుకు, ప్రముఖ దర్శకేంద్రులు కె. రాఘవేంద్రరావుకు టీమ్ తమ హృదయపూర్వక ధన్యవాదాలు తెలిపారు. FISD (ఫ్రిస్కో ఇండిపెండెంట్ స్కూల్ డిస్ట్రిక్ట్) వైస్ ప్రెసిడెంట్, బోర్డ్ ఆఫ్ ట్రస్టీ అయిన గోపాల్ పొనంగి ఈ వేడుకకు ముఖ్య అతిథిగా విచ్చేసినందుకు బృందం తమ ప్రగాఢమైన అభినందనలను తెలియజేసారు. ఈ ప్రాజెక్ట్‌ను ఘన విజయంతో ముందుకు తీసుకెళ్లడంలో ముఖ్యమైన పాత్ర పోషించిన అద్భుతమైన 1M+ వీక్షకులకు బృందం వారి ప్రగాఢ కృతజ్ఞతలు తెలియజేసారు.
ఫోటో గ్యాలరీ లింక్: https://happy-memories.filemail.com/d/hacbjfonbucldne
Courtesy by Sakshi TV