- Advertisement -
హైదరాబాద్: ఐపీఎస్ అధికారి, మాజీ డీజీపీ అంజనీకుమార్ పై ఇసి సస్పెన్షన్ ఎత్తివేసింది. ఎన్నిలక ఫలితాల రోజు రేవంత్ రెడ్డి పిలిస్తేనే వెళ్లానని.. ఇలాంటి ఘటన పునరావృతం కాదని అంజనీకుమార్ సిఇసికి వివరించారు. ఉద్దేశపూర్వకంగా ఎన్నికల కోడ్ ఉల్లంఘించలేదన్న అంజనీకుమార్ విజ్ఞప్తిని పరిగణనలోకి తీసుకున్న సిఇసి.. ఆయనపై సస్పెన్షన్ ఎత్తివేసినట్లు తెలిపింది. ఈ మేరకు రాష్ట్ర ప్రభుత్వానికి సిఇసి సమాచారం అందించింది.
తెలంగాణలో ఎలక్షన్ కోడ్ అమల్లో ఉండగా.. ఎన్నికల ఫలితాల కౌంటింగ్ ప్రక్రియ జరుగుతుండగానే పిసిసి చీఫ్ రేవంత్ రెడ్డిని డిజిపి అంజనీకుమార్ కలువడంపై ఇసి ఆగ్రహం వ్యక్తం చేస్తూ ఆయనను సస్పెండ్ చేసిన విషయ తెలిసిందే.
- Advertisement -