మన తెలంగాణ/హైదరాబాద్ : రాష్ట్రంలో 17 లోక్‌సభ స్థానాలుండగా, ఇప్పటికే హ స్తం పార్టీ 13 మంది అభ్యర్థులను ప్రకటించింది. మరో నలుగురు అభ్యర్థుల ఎంపికపై సోమవారం ఢిల్లీలో జరిగిన సిఇసి సమావేశంలో చర్చించారు. తుదిజాబితా కొలిక్కి వ చ్చే అవకాశం ఉన్నట్టుగా తెలిసింది. అయి తే సుదీర్ఘ చర్చలు, సమాలోచనలు చేసిన సిఇసి ఒక్క వరంగల్లు లోక్‌సభ నియోజకవర్గానికి డాక్టర్ కడియం కావ్యను ఎంపిక చే స్తూ నిర్ణయం తీసుకున్నది. కడియం కావ్య అభ్యర్ధిత్వాన్ని ఖరారు చేసినట్లు ఎఐసిసి ప్రధాన కార్యదర్శి కెసి వేణుగోపాల్ ప్రకటించారు. అదే విధంగా మహారాష్ట్రలోని అ కోలా నియోజకవర్గానికి డాక్టర్ అభయ్ కా శీనాద్ పాటిల్‌ను ఖరారు చేశారు. ఢిల్లీలోని కాంగ్రెస్ ఏఐసిసి ప్రధాన కార్యాలయంలో అధ్యక్షుడు మల్లికార్జున ఖర్గే సమక్షంలో జరిగిన ఈ సమావేశానికి సోనియా గాంధీ స హా సిఎం రేవంత్‌రెడ్డి, ఉపముఖ్యమంత్రి భట్టి విక్రమార్కలు హాజరయ్యారు. రాష్ట్రంలో ప్రస్తుతం మారుతున్న రాజకీయ పరిణామాల నేఫథ్యంలో అభ్యర్థులను ఆచితూచి ఎంపిక చేయాలని కాంగ్రెస్ అధిష్టానం భావిస్తోంది.
ఈ నేపథ్యంలోనే రాష్ట్రంలో మిగిలిన 4 లోక్ సభ సీట్లకు అభ్యర్థుల ఎంపికలో కాంగ్రెస్ హైకమాండ్ నుంచి ఇంకా స్పష్టత రాలేదని తెలుస్తోంది. సోమవారం ఉదయం ఒకసారి, సాయంత్రం మరోసారి సిఇసి సమావేశం జరిగింది. ఈ నేపథ్యంలోనే నాలుగు పెండింగ్ స్థానాల అభ్యర్థుల ఎంపికపై సమావేశంలో సుదీర్ఘంగా చర్చించినట్టుగా సమాచారం. అభ్యర్థుల ఎంపిక విషయంలో పార్టీ అధిష్టానం ఒక్కోనేత నుంచి అభిప్రాయాలను సేకరించినట్లు తెలుస్తోంది. రాష్ట్ర నేతలు సూచించిన అభ్యర్థి గెలుపు ఓటములపై విశ్లేషణ అడిగి తెలుసుకున్నట్టుగా సమాచారం. పెండింగ్‌లో ఉన్న హైదరాబాద్, కరీంనగర్ స్థానాలకు అభ్యర్థులను దాదాపు ఖరారు చేసినట్టుగా తెలిసింది. అయితే ఖమ్మం అభ్యర్థి ఖరారు ఇంకా పెండింగ్‌లో ఉంచినట్లుగా తెలుస్తోంది. ఒకవేళ ఈ 3 స్థానాలను ప్రస్తుతం ప్రకటించినా ఖమ్మం స్థానం అభ్యర్థిని మాత్రం ఈ నెల 9న మరోసారి జరిగే సిఇసి సమావేశంలో చర్చించి నిర్ణయం తీసుకునే అవకాశం ఉన్నట్టుగా తెలిసింది.
14కు చేరిన అభ్యర్ధుల జాబితా
రాష్ట్రంలో ఇప్పటికే 13 స్థానాలకు, కాంగ్రెస్ కేంద్ర ఎన్నికల కమిటీ అభ్యర్థులను ఖరారు చేసింది. వరంగల్లుకు డాక్టర్ కడియం కావ్యను ఎంపిక చేయడంతో ఈ సంఖ్య 14కు చేరింది. మరో మూడు లోక్‌సభ సెగ్మెంట్‌లకు అభ్యర్ధులను ఖరారు చేయాల్సి ఉంది. వీరిలో ఆదిలాబాద్ నుంచి ఆత్రం సుగుణ, నిజామాబాద్ నుంచి ఎమ్మెల్సీ జీవన్‌రెడ్డి, మెదక్ నుంచి నీలం మధు, భువనగిరి నుంచి చామల కిరణ్‌కుమార్ రెడ్డిని బరిలోకి దించింది. అలాగే నాగర్‌కర్నూల్ కాంగ్రెస్ ఎంపి అభ్యర్థిగా మల్లు రవి, పెద్దపల్లి నుంచి గడ్డం వంశీకృష్ణ, సికింద్రాబాద్ అభ్యర్థిగా దానం నాగేందర్, మల్కాజిగిరి అభ్యర్థిగా సునీత మహేందర్ రెడ్డి, చేవెళ్ల అభ్యర్థిగా గడ్డం రంజిత్‌రెడ్డిలను ఏఐసిసి ఎంపిక చేసింది. ఇక తొలి జాబితాలో మహబూబ్ నగర్ నుంచి ఏఐసిసి కార్యదర్శి వంశీచంద్ రెడ్డి, జహీరాబాద్ నుంచి మాజీ ఎంపి సురేష్ షెట్కార్, నల్గొండ నుంచి కుందూరు రఘువీర్ రెడ్డి, మహబూబాబాద్ నుంచి కేంద్ర మాజీ మంత్రి బలరాంనాయక్‌లను ఎంపిక చేసిన విషయం తెలిసిందే.