మనం ఉదయం పూట మొదట తినే ఆహారం మన ఆరోగ్యంపై ప్రత్యక్ష ప్రభావం చూపుతుంది. అయితే, మార్నింగ్ తీసుకునే టీ లేదా కాఫీతో రోజుని ప్రారంభించడం జీర్ణక్రియకు ఎంతో సహాయపడుతుంది. మరోవైపు మనం మధ్యాహ్నం, రాత్రికి తీసుకునే ఆహారం అనేక ఆరోగ్య ప్రయోజనాలను అందిస్తుంది. ఇది ఇలా ఉండగా..కొన్నింటిని రాత్రిపూట నానబెట్టి తింటే అనేక ప్రయోజనాలు ఉంటాయి. అవేంటో ఇప్పుడు చూద్దాం.
బాదం
ప్రతి సీజన్‌లో బాదంపప్పును తీసుకోవడం వల్ల ఆరోగ్యానికి ఎంతో మేలు చేస్తుంది. ఇక వేసవిలో వాటిని నానబెట్టి తినడం ఎంతో మంచిది అని చెప్పవచ్చు. దీని కారణంగా వాటి వేడి ప్రభావం జీర్ణక్రియకు హాని కలిగించదు. చెడు కొలెస్ట్రాల్ లేదా అధిక రక్తపోటు వంటి సమస్యలు కూడా దూరమవుతాయి.
ఎండుద్రాక్ష
ఎండుద్రాక్షలో చాలా యాంటీఆక్సిడెంట్లు ఉంటాయి. ఇవి శరీరానికి చాలా ప్రయోజనాలను అందిస్తాయి. అయితే, ఇది నానబెట్టిన తర్వాత తీసుకుంటే..దాని వల్ల కలిగే ప్రయోజనాలు రెట్టింపు అవుతాయి. అంతేకాకుండా నానబెట్టిన ఎండుద్రాక్ష ఆరోగ్యానికి మాత్రమే కాకుండా చర్మం, ఆరోగ్యకరమైన జుట్టుకు కూడా చాలా ముఖ్యమైనది.
వోట్స్
రాత్రంతా నానబెట్టిన ఓట్స్ అనేక ఆరోగ్య ప్రయోజనాలను అందిస్తాయి. ఇలా చేయడం వల్ల అందులో ఉండే స్టార్చ్, యాసిడ్ మొత్తం తగ్గిపోతుంది. ఇది జీర్ణక్రియకు చాలా మంచిది. అటువంటి పరిస్థితిలో మీరు కావాలంటే వాటిని ఉడికించకుండా కూడా తినవచ్చు.