ఇటీవలి కాలంలో ఎలక్ట్రిక్ సైకిళ్లకు డిమాండ్ వేగంగా పెరిగింది. ఈ క్రమంలో మీరు కూడా ఎలక్ట్రిక్ సైకిల్ కొనాలని ఆలోచిస్తున్నట్లయితే..ఈ వార్త మీ కోసమే. సైకిల్ కొనేముందు కొన్ని విషయాలను గుర్తుంచుకోవాలి. ఎలక్ట్రిక్ సైకిల్ ధర కూడా చాలా ఎక్కువగా ఉంది. కాబట్టి, దానిని సరిగ్గా నిర్వహించడం చాలా ముఖ్యం. దీనితో పాటు..దానిని ఎలా ఉపయోగించాలో తెలుసుకోవడం కూడా చాలా ముఖ్యం. ఇప్పుడు ఈ ఆర్టికల్ ద్వారా ఎలక్ట్రిక్ సైకిల్ కొనుగోలు చేసే ముందు ఎలాంటి విషయాలు గుర్తించుకోవాలి, నడిపే సమయంలో ఎలాంటి జాగ్రతలు తీసుకోవాలో చూద్దాం.
ఎలక్ట్రిక్ సైకిల్ కొనుగోలు చేసేముందు గుర్తించుకోవాల్సిన విషయాలు
1. ప్రసిద్ధ కంపెనీ నుండి మాత్రమే ఇ-సైకిల్ కొనండి.
2. లోకల్ కంపెనీ ఇ-సైకిళ్లను కొనడం మానుకోండి.
3. సేఫ్టీ ఫీచర్లు ఉండే సరైన ఎలక్ట్రిక్ సైకిల్ కొనండి. దీంతో ఎటువంటి సమస్య ఉండకూడదు.
4. అక్రమంగా తయారైన ఈ-సైకిళ్లను కొనుగోలు చేయవద్దు.
5. సాధారణ పెడల్స్‌తో ఉండే ఇ-సైకిల్‌ను కొనుగోలు చేయండి.
నడిపే సమయంలో తీసుకోవాల్సిన జాగ్రత్తలు
1. శుభ్రమైన, నిశ్శబ్ద ప్రదేశంలో ఇ-సైకిల్ తొక్కడం ప్రాక్టీస్ చేయండి.
2. మీ ఇ-సైకిల్ సిస్టమ్‌లను నెమ్మదిగా, పూర్తిగా అర్థం చేసుకోండి. తద్వారా ఎంతో సులభంగా నడపవచ్చు.
3. ఇ-సైకిల్‌ను మళ్లీ మళ్లీ తొక్కడం, సాధన చేయడం ద్వారా మీ రైడింగ్‌ను మెరుగుపరుచుకోవచ్చు.