ముంబై: అతిపెద్ద వాణిజ్య వాహన తయారీ సంస్థ అయిన టాటా మోటార్స్ తన వాణిజ్య వాహన వినియోగదారులకు ఆకర్షణీయమైన ఫైనాన్సింగ్ పరిష్కారాలను అందించడానికి ఈఎస్ఏఎఫ్ స్మాల్ ఫైనాన్స్ బ్యాంక్‌తో అవగాహన ఒప్పందం (ఎంఓయూ) పై సంతకం చేసింది. ప్రారంభంలో స్మాల్ కమర్షియల్ వెహికల్స్ (SCVలు), లైట్ కమర్షియల్ వెహికల్స్ (LCVలు)పై దృష్టి కేంద్రీకరించి, క్రమంగా టాటా మోటార్స్ మొత్తం వాణిజ్య వాహనాల పోర్ట్‌ఫోలియోకు ఫైనాన్సింగ్‌ను అందించడానికి ఈ భాగస్వామ్యం విస్తరించబడుతుంది.
టాటా మోటార్స్ ఎస్ సీవీ & పీయూ వైస్ ప్రెసిడెంట్ & బిజినెస్ హెడ్ వినయ్ పాఠక్ మాట్లాడుతూ, “ఈఎస్ఏఎఫ్ స్మాల్ ఫైనాన్స్ బ్యాంక్‌తో మా భాగస్వామ్యం దేశంలోని మారుమూల ప్రాంతాలలోని మా కస్టమర్లకు తిరుగులేని ఫైనాన్సింగ్ పరిష్కారాలకు యాక్సెస్‌ను మెరుగుపరుస్తుంది. ఇది మా కస్టమర్లకు వారి వ్యాపార లక్ష్యాలను చేరుకోవడానికి సాధికారత కల్పించి, అనుకూల మైన, సమర్థవంతమైన పరిష్కారాలతో మద్దతు ఇవ్వాలనే మా నిబద్ధతను పునరుద్ఘాటిస్తుంది. ఈ సహకారం వ్యవస్థాపకత, ఉద్యోగ కల్పనను పెంపొందించే మా ప్రయత్నాన్ని మరింత బలపరుస్తుంది, ముఖ్యంగా మొదటి మరియు చివరి-అంచె లాజిస్టిక్స్ లో’’ అని అన్నారు.
ఈ భాగస్వామ్యం గురించి ఈఎస్ఏఎఫ్ స్మాల్ ఫైనాన్స్ బ్యాంక్ ఎగ్జిక్యూటివ్ వైస్ ప్రెసిడెంట్ హేమంత్ కుమార్ తమ్టా మాట్లాడుతూ.. “కస్టమర్లకు అనుకూలమైన ఫైనాన్సింగ్ పరిష్కారాలను అందించడానికి టాటా మోటార్స్‌తో భాగస్వామ్యం మాకెంతో సంతోషదా యకం. వ్యవస్థాపకులకు సాధికారత కల్పించాలనే మా భాగస్వామ్య దృక్పథం ఈ భాగస్వామ్యంతో సరిగ్గా సరిపోతుంది. మా విస్తృతమైన నెట్‌వర్క్, ఆర్థిక చేకూర్పులో నైపుణ్యంతో, ఈ భాగస్వామ్యం గణనీయమైన వృద్ధిని ప్రోత్సహిస్తుందని, వాణిజ్య వాహన వ్యాపార సంస్థల ఆశయాలకు మద్దతు ఇస్తుందని మేం విశ్వసిస్తున్నాం’’ అని అన్నారు.
టాటా మోటార్స్ 1-టన్ను నుండి 55-టన్నుల కార్గో వాహనాలను, 10-సీటర్ నుండి 51-సీట్ల మాస్ మొబిలిటీ ఉత్పాదనలను అందిస్తోంది. లాజిస్టిక్స్, మాస్ మొబిలిటీ అభివృద్ధి చెందుతున్న అవసరాలను పరిష్కరించడానికి చిన్న వాణిజ్య వాహనాలు, పికప్‌లు, ట్రక్కులు, బస్సుల విభాగాలలో ఇవి ఉన్నాయి. కంపెనీ 2500+ టచ్‌పాయింట్‌ల విస్తృత నెట్‌వర్క్ ద్వారా అసమానమైన నాణ్యత, సేవా నిబద్ధతను నిర్ధారిస్తుంది. శిక్షణ పొందిన నిపుణులచే నిర్వహించబడుతుంది. టాటా అసలైన పార్ట్‌లను సులభంగా యాక్సెస్ చేయడం ద్వారా మద్దతు ఇస్తుంది.