ప్రముఖ సినీ ఎడిటర్ నిషధ్ యూసఫ్ బుధవారం తెల్లవారు జామున కొచ్చిలోని ఒక అపార్ట్‌మెంట్‌లో విగత జీవిగా కనిపించినట్లు పోలీసులు వెల్లడించారు. అలప్పుళా జిల్లా హరిపాద్‌కు చెందిన 43 ఏళ్ల యూసఫ్ బుధవారం తెల్లవారు జామున సుమారు 2 గంటలకు పనంపిల్లి నగర్‌లోని ఒక అపార్ట్‌మెంట్‌లో చనిపోయి కనిపించారు. ఆ ఘటనను ఆత్మహత్య కేసుగా అనుమానిస్తున్నట్లు పోలీస్ అధికారి ఒకరు తెలిపారు.
అయితే, ఆయన ఇతర వివరాలు ఇవ్వలేదు. పోస్ట్‌మార్టమ్ అనంతరం యూసఫ్ మృతదేహాన్ని కుటుంబానికి అప్పగించారు. 2022లో ఉత్తమ ఎడిటర్‌గా కేరళ రాష్ట్ర సినీ అవార్డు విజేత అయిన యూసఫ్ పని చేసిన చిత్రాల్లో ‘తాళ్లుమాల’, ‘చావెర్’, ‘ఉందా’ ‘కంగువ’ వంటి చిత్రాలు ప్రముఖమైనవి. యూసఫ్ మృతి వార్త తనకు దిగ్భ్రాంతి కలిగించిందని ‘కంగువ’ నటుడు సూర్య తెలిపారు. కేరళ ముఖ్యమంత్రి పినరయి విజయన్ కూడా యూసఫ్ మృతికి సంతాపం వెలిబుచ్చారు.