- Advertisement -
తిరుమల తిరుపతి దేవస్థానంలో భక్తుల రద్దీ కాస్త పెరిగింది. గతవారం రోజులుగా శ్రీవారిని దర్శించుకునేందుకు వచ్చే భక్తుల సంఖ్య తగ్గింది. దీపావళి సందర్భంగా తిరుమలలో గురువారం భక్తుల సంఖ్య కాస్త పెరిగింది. స్వామివారిని దర్శంచుకునేందుకు ఇవాళ అధిక సంఖ్యలో భక్తులు తిరుమలకు చేరుకుంటున్నారు. దీంతో వైకుంఠం క్యూ కాంప్లెక్స్‌లోని 10 కంపార్టుమెంట్లలో భక్తులు వేచి ఉన్నారు.
ఈ క్రమంలో టోకెన్ లేని భక్తులకు స్వామివారిని దర్శించుకునేందుకు దాదాపు 12 గంటల సమయం పడుతోంది. కాగా, బుధవారం 55,219 మంది భక్తులు శ్రీవారిని దర్శించుకుని మొక్కులు తీర్చుకున్నారు. స్వామివారికి 16,211 మంది భక్తులు తలనీలాలు సమర్పించారు. శ్రీవారి హుండీ ఆదాయం రూ.4.37 కోట్లు వచ్చినట్లు టిటిడి అధికారులు వెల్లడించారు.
- Advertisement -