యువ సామ్రాట్ నాగ చైతన్య, సాయి పల్లవి లవ్ అండ్ యాక్షన్ డ్రామా ’తండేల్’ మ్యూజికల్ ప్రమోషన్లు ప్రారంభమయ్యాయి. మేకర్స్ ఫస్ట్ సింగిల్- బుజ్జి తల్లి లిరికల్ వీడియోను విడుదల చేశారు. హార్ట్‌ఫుల్ లవ్ స్టోరీస్‌ని తీయడంలో మాస్టర్ అయిన చందూ మొండేటి దర్శకత్వం వహించిన ఈ మూవీలోని ఈ సాంగ్ లీడ్ పెయిర్ ఎమోషనల్ జర్నీని అందంగా చూపించింది. రాక్‌స్టార్ దేవిశ్రీ ప్రసాద్ కంపోజ్ చేసిన ఈ ట్రాక్ మ్యాజికల్‌గా వుంది. హీరో బాధలో ఉన్న ప్రియురాలిని ఓదార్చడానికి ప్రయత్నిస్తున్నప్పుడు కథలో కీలకమైన సమయంలో ఈ సాంగ్ వస్తుంది.
లిరికల్ వీడియో ద్వారా లీడ్ పెయిర్ అనుబంధాన్ని అద్భుతంగా చూపించారు. శ్రీమణి రాసిన లిరిక్స్, తన ప్రేమికురాలిని ఓదార్చడానికి ప్రయత్నిస్తున్న హీరో భావోద్వేగాలను కవితాత్మకంగా చూపించాయి. నాగ చైతన్య, సాయి పల్లవి స్క్రీన్ పై అందమైన కెమిస్ట్రీని పంచుకున్నారు. తప్పకుండా బుజ్జి తల్లి సాంగ్ ఆఫ్ ది ఇయర్ కానుంది. అల్లు అరవింద్ సమర్పణలో ప్రతిష్టాత్మక గీతా ఆర్ట్ బ్యానర్‌పై బన్నీ వాస్ నిర్మించిన ఈ చిత్రం ఆంధ్రప్రదేశ్‌లోని శ్రీకాకుళం జిల్లాలోని డి మచ్చిలేశం గ్రామంలో జరిగిన యదార్థ సంఘటనల స్ఫూర్తితో రూపొందింది. తండేల్ మూవీ ఫిబ్రవరి 7న విడుదల కానుంది.