గాడ్ ఆఫ్ మాసెస్ నందమూరి బాలకృష్ణ, బ్లాక్‌బస్టర్ మేకర్ బోయపాటి శ్రీను హైలీ యాంటిసిపేటెడ్ ’అఖండ 2: తాండవం’ కోసం నాలగవ సారి కలిసి పనిచేస్తున్నారు. ఇది వారి మునుపటి స్మాష్ హిట్ ’అఖండ’కు సీక్వెల్. ఎం.తేజస్విని నందమూరి సమర్పణలో ప్రతిష్టాత్మక 14 రీల్స్ ప్లస్ బ్యానర్‌పై రామ్ ఆచంట, గోపీచంద్ ఆచంట ఈ చిత్రాన్ని నిర్మిస్తున్నారు. ఇటీవలే ఘనంగా లాంచ్ అయిన ’అఖండ 2’ రెగ్యులర్ షూటింగ్ బుధవారం ప్రారంభమైంది. బోయపాటి తనదైన స్టయిల్‌లో బ్రెత్ టేకింగ్ ఫైట్ సీక్వెన్స్ తో షూటింగ్‌ను ప్రారంభించారు. ప్రముఖ స్టంట్ మాస్టర్లు రామ్, -లక్ష్మణ్ ఈ ఫైట్ సీక్వెన్స్ ని సూపర్‌వైజ్ చేస్తున్నారు. హైదరాబాద్‌లోని ఆర్‌ఎఫ్‌సీలో షూటింగ్ జరుగుతోంది. ఈ సందర్భంగా మేకర్స్ లాంచింగ్ ఈవెంట్ నుంచి గ్రిప్పింగ్ మూమెంట్‌ను చూపిస్తూ ఒక వీడియోను విడుదల చేశారు.
‘ఈ నేల అసురుడిది కాదు రా… ఈశ్వరుడిది… పరమేశ్వరుడిది… కాదని తాకితే జరిగేది తాండవం… అఖండ తాండవం. ..‘ అంటూ పవర్‌ఫుల్ డైలాగ్‌ని చెప్పారు బాలకృష్ణ. దసరాకి సెప్టెంబర్ 25, 2025న సినిమా విడుదలవుతుందని వీడియో ద్వారా తెలియజేశారు. ఈ చిత్రంలో స్టార్ తారాగణం ఉంది, మిగతా నటీనటులను త్వరలో ప్రకటిస్తారు. ఈ సీక్వెల్‌పై భారీ అంచనాలు వున్నాయి. అంచనాలకు తగ్గట్టుగానే డైరెక్టర్ బోయపాటి శ్రీను అఖండ 2 ను అద్భుతంగా తీర్చిదిద్దుతున్నారు. బాలకృష్ణ, బోయపాటి శ్రీను ఇద్దరికీ మేడిన్ పాన్ ఇండియా మూవీ ’అఖండ 2 ’ఇండియా అంతటా విడుదల కానుంది.