ఎముక క్యాన్సర్ అరుదైన, తీవ్రమైన ఆరోగ్య సమస్య. ఈ రకమైన క్యాన్సర్ ఎముకలలో పెరిగి శరీరంలోని ఇతర భాగాలకు వ్యాప్తి చెందుతుంది. ఇది ప్రారంభ దశల్లో గుర్తించడం కొంచెం కష్టంగా ఉండవచ్చు. కానీ మీరు గుర్తించి త్వరగా చికిత్స చేయడం ప్రారంభించే కొన్ని సంకేతాలు ఉన్నాయి. ఈ రకమైన క్యాన్సర్ ప్రధానంగా యువకులు, పిల్లలలో వస్తుంది. అయితే ఇది సాధారణంగా ఏ వయస్సు వారికైనా సంభవించవచ్చు. దాని సంకేతాలు ఏంటో మనం ఇప్పుడు తెలుసుకుందాం.
1. ఎముకలలో స్థిరమైన నొప్పి
ఎముక క్యాన్సర్ అత్యంత సాధారణ లక్షణం ఎముక నొప్పి. ఈ నొప్పి క్రమంగా పెరుగుతుంది. ముఖ్యంగా రాత్రి సమయంలో అనుభూతి చెందుతుంది. నొప్పి ఎక్కువ రోజులు ఉండి, నొప్పి నివారణ మాత్రలు వేసుకున్నా ఉపశమనం కలగకపోతే అది క్యాన్సర్ సంకేతం అని చెప్పవచ్చు.
2. ఎముకల వాపు
శరీరంలో ఏదైనా ఎముక చుట్టూ వాపు లేదా గడ్డలు కనిపిస్తే, అది ఎముక క్యాన్సర్ ఉన్నట్లు సంకేతం కావచ్చు. క్యాన్సర్ కణాలు పెరుగుతున్న ప్రదేశంలో ఈ వాపు ఏర్పడుతుంది. ఈ వాపు సాధారణంగా నొప్పితో కూడి ఉంటుంది.
3. బలహీనమైన ఎముకలు
ఎముక క్యాన్సర్‌కు సాధారణ కారణాలలో బలహీనమైన ఎముకలు కూడా ఉంటాయి. ఈ సమస్యలో ఎముక విరిగిపోయే లేదా గాయపడటానికి అవకాశాలు ఉంటాయి. బలహీనమైన ఎముకలు ఫ్రాక్చర్ ప్రమాదాన్ని కూడా పెంచుతాయి.
4. బరువు తగ్గడం
శరీర బరువు ఎటువంటి కారణం లేకుండా తగ్గిపోతుంటే ఇది కూడా ఎముక క్యాన్సర్ సంకేతం కావొచ్చు. క్యాన్సర్ శరీరంలో మార్పులకు కారణమవుతుంది. ఇది జీవక్రియను ప్రభావితం చేస్తుంది. ఇది బరువు తగ్గడానికి దారితీస్తుంది.
5. జ్వరం
తరచుగా జ్వరంతో బాధపడుతూ ఉంటే, అది శరీరంలోని కండరాలు, ఎముకలలో నొప్పిని కలిగిస్తుంటే ఎముక క్యాన్సర్‌ని కలిగి ఉండవచ్చని కూడా ఇది సంకేతం.
ఎముక క్యాన్సర్‌ను నివారించే మార్గాలు
1. ఆరోగ్యకరమైన ఆహారం తీసుకోండి.
2. ధూమపానం, మద్యపానం అలవాటు ఉంటె మానుకోండి.
3. విటమిన్-డి, బి-12 లోపం ఉండకూడదు. ఈ రెండు మూలకాలు మన ఎముకలకు అవసరం.
4. ప్రతిరోజు వ్యాయామం చేయండి.