బిఆర్‌ఎస్ అధినేత కెసిఆర్ మనుమడు, పార్టీ వర్కింగ్ ప్రెసిడెంట్ కెటిఆర్ కుమారుడు హిమాన్షు తన తండ్రి పట్ల తనకు ఉన్న ప్రేమ, అభిమానాలను చాటుతూ ఒక పాటను పాడాడు. ‘నా సూర్యుడివి, నా చంద్రుడివి, నా దేవుడివి నువ్వే.. నా కన్నులకి నువ్వు వెన్నెలవి, నా ఊపిరివి నువ్వే.. నువ్వే కదా నువ్వే కదా.. సితార నా కలకి. నా నాన్న నువ్వు నా ప్రాణం అనిన సరిపోదట ఆ మాట. నా నానీకై ప్రాణం ఇవనూ.. ఇదిగో ఇది నా మాట’ అంటూ హిమాన్షు రావు యానిమల్ సినిమాలోని పాటను ఆలపించారు. ఆ పాట ద్వారా హిమాన్షు తన తండ్రిపై ఉన్న ప్రేమ, గౌరవాన్ని చూపించారు. తనతో ఉన్న జ్ఞాపకాలను ఫొటోల రూపంలో ప్లే చేస్తూ హిమాన్షు సొంతంగా గానం చేశారు.
నిజానికి కెటిఆర్ బర్త్ డే కానుకగా జూలైలోనే హిమాన్షు ఓ పాటను పాడాడు. యానిమల్ మూవీలోని ‘ఓ నాన్న నువ్వు నా ప్రాణం’ అనే పాటను రికార్డు చేశారు. ఆ పాటను తాజాగా కెటిఆర్ ఎక్స్ వేదికగా పంచుకున్నారు. తన బర్త్ డే కానుకగా తమ కుమారుడు హిమాన్షు రావు ఈ పాటను పాడాడని పేర్కొన్నారు. కష్టతరమైన సంవత్సరంలో నాకు లభించిన ఉత్తమ బహుమతి…ధన్యవాదాలు బింకు’..నీ గానం నాకు చాలా నచ్చింది అని తన కుమారుడు హిమాన్షును ఉద్దేశిస్తూ వ్యాఖ్యానించారు. తాను గత వారం మాత్రమే మొదటిసారి పాటను విన్నానని, తండ్రిగా చాలా గర్వంగా ఉందంటూ కెటిఆర్ ట్వీట్ చేశారు. ఇప్పుడు ఈ వీడియో సాంగ్ సామాజిక మాధ్యమాల్లో వైరల్ అవుతుంది.
గతేడాది ఓ ఇంగ్లీష్ సాంగ్ పాడిన హిమాన్షు : ఇప్పటికే కెటిఆర్ కుమారుడు వివిధ రంగాల్లో తన ప్రతిభను చాటుకున్నారు. సామాజిక మాధ్యమాల్లో తన టాలెంట్‌తో అందరి దృష్టిని ఆకర్షిస్తున్నారు. అయితే గతేడాది ఓ ఇంగ్లీష్ సాంగ్(గోల్డెన్ అవర్)ను ఆలపించి అందరినీ ఆకట్టుకోగా, తాజాగా ఇప్పుడు ఇలా తన తండ్రిపై ఉన్న ప్రేమ, అభిమానాన్ని పాట రూపంలో పాడి వినిపించాడు. ఇవే కాకుండా సేవా కార్యక్రమాలు కూడా చేయడంలో హిమాన్షు ముందు వరుసలో ఉన్నారు.