భారత సీనియర్ క్రికెటర్లు రోహిత్ శర్మ, శ్రేయస్ అయ్యర్‌లపై మాజీ క్రికెటర్ సునీల్ గవాస్కర్ తీవ్ర ఆగ్రహం వ్యక్తం చేశాడు. జమ్ముకశ్మీర్‌తో జరిగిన రంజీ మ్యాచ్‌లో రోహిత్, అయ్యర్, యశస్వి జైస్వాల్‌లు ముంబైకి ప్రాతినిథ్యం వహించిన సంగతి తెలిసిందే. అయితే ముగ్గురు కూడా రంజీ మ్యాచ్‌లో ఘోరంగా విఫలమయ్యారు. టెస్టు సిరీస్‌లోని పేలవమైన ప్రదర్శనను రోహిత్ రంజీలోనూ కొనసాగించాడు. యువ ఆటగాడు యశస్వి జైస్వాల్,
శ్రేయస్ అయ్యర్‌లు కూడా చెత్త బ్యాటింగ్‌తో నిరాశ పరిచాడు. వీరి బ్యాటింగ్ తీరుపై గవాస్కర్ తీవ్ర అసంతృప్తి వెల్లగక్కాడు. బౌలింగ్‌కు సహకరిస్తున్న పిచ్‌పై ఎటాకింగ్ చేయాలనే రోహిత్, అయ్యర్‌ల ఆలోచన విడ్డూరమన్నాడు. దేశవాళీ క్రికెట్‌పై భారత కీలక ఆటగాళ్లకు ఉన్న ప్రేమకు ఇది నిదర్శనమన్నాడు. ఇతర దేశాల క్రికెటర్లు డొమెస్టిక్ క్రికెట్‌కు అధిక ప్రాధాన్యత ఇస్తారని, దీనికి విరుద్ధంగా భారత ఆటగాళ్ల తీరు ఉంటుందన్నాడు. బిసిసిఐ చెప్పిందని ఏదో తూతూ మంత్రంగా రంజీ బరిలోకి దిగారని గవాస్కర్ విమర్శించాడు.