మెగాస్టార్ చిరంజీవి నటిస్తున్న లేటెస్ట్ మూవీ ‘విశ్వంభర’ టాలీవుడ్ ప్రేక్షకుల్లో భారీ అంచనాలు సృష్టిస్తోంది. ఈ సినిమాను దర్శకుడు వశిష్ఠ డైరెక్ట్ చేస్తుండగా పూర్తి సోషియో ఫాంటసీ చిత్రంగా ఇది ప్రేక్షకులను అలరించేందుకు సిద్ధమవుతోంది. ఇక ఇప్పటికే ఈ సినిమా నుంచి టీజర్‌ను రిలీజ్ చేశారు మేకర్స్. దీంతో ఈ సినిమాను ఎప్పుడెప్పుడు రిలీజ్ చేస్తారా అని అందరూ ఆసక్తిగా ఎదురు చూస్తున్నారు. అయితే ఈ సినిమాను తొలుత సంక్రాంతి 2025 కానుకగా రిలీజ్ చేయాలని చిత్ర యూనిట్ ప్లాన్ చేసింది. కానీ ‘గేమ్ ఛేంజర్’ రిలీజ్ కోసం ఈ మూవీ రిలీజ్ డేట్‌ను వాయి దా వేశారు. ఇక ఇప్పుడు సమ్మర్ బరిలో ఈ సినిమాను తీసుకొచ్చేందుకు మేకర్స్ ప్రయత్నిస్తున్నారట.
ఈ సినిమాకు సంబంధించిన మేజర్ షూటింగ్ పార్ట్ పూర్తి అయింది. ఇప్పటికే ఈ సినిమాకు భారీ బడ్జెట్ అవుతుండటంతో ఈ చిత్ర డిజిటల్ రైట్స్‌ను భారీ రేటుకు అమ్మాలని మేకర్స్ చూస్తున్నారట. ఈ చిత్రానికి సంబంధించిన డిజిటల్ రైట్స్ కోసం అమెజాన్ ప్రైమ్ వీడియో, నెట్‌ఫ్లిక్స్ వంటి సంస్థలు ముందుకు వచ్చాయి. ఇప్పుడు జీ స్టూడియోస్ కూడా విశ్వంభర చిత్ర యూనిట్‌తో చర్చలు జరుపుతోందట. ఒక్కసారి యూవీ క్రియేషన్స్ ఈ డీల్‌ను పూర్తి చేయగానే ‘విశ్వంభర’ రిలీజ్ డేట్‌ను ప్రకటించడం ఖాయమని అంటున్నారు.