- Advertisement -
మెగాస్టార్ చిరంజీవి హీరోగా త్రిష హీరోయిన్ గా యంగ్ అండ్ టాలెంటెడ్ దర్శకుడు వశిష్ఠ తెరకెక్కిస్తున్న భారీ చిత్రం విశ్వంభర. భారీ అంచనాలు ఉన్న ఈ విజువల్ ట్రీట్ కోసం అభిమానులు ఎంతో ఆసక్తిగా ఎదురు చూస్తున్నారు. అయితే ఈ సినిమా పోస్ట్ ప్రొడక్షన్ పనులతో పాటు ఆడియో పనులు కూడా చేస్తున్నారు. తాజాగా మేకర్స్ కీరవాణి ఇచ్చిన ఆల్బమ్ అదిరిపోతోందని కూడా తెలిపారు. ఇక విశ్వంభర ఫస్ట్ సింగిల్ ఎప్పుడు వస్తుందా అని అందరూ ఎదురుచూస్తున్నారు. ఈ సాంగ్ శివరాత్రి కానుకగా వచ్చే ఛాన్స్ ఉన్నట్టుగా తెలిసింది. అయితే చాలా ఏళ్ల తర్వాత చిరు, కీరవాణి కలయికలో ఈ సినిమా వస్తోంది. మరి ఈ క్రేజీ కాంబినేషన్ నుంచి మ్యూజిక్ ఎలా ఉంటుందో చూడాల్సిందే. ఇక ఈ చిత్రానికి యూవీ క్రియేషన్స్ వారు నిర్మాణం వహిస్తుండగా ఈ సినిమా మే నెలలో రిలీజ్ అయ్యే అవకాశం ఉందని తెలిసింది.
- Advertisement -