అల్లరి నరేష్ బోల్డ్ అండ్ యూనిక్ ప్రాజెక్ట్‌లతో అలరిస్తున్నారు. తన అప్ కమింగ్ ప్రాజెక్ట్ మరొక డిఫరెంట్ మూవీ అవుతుందని హామీ ఇస్తుంది. పొలిమేర, పొలిమేర 2 చిత్రాలతో పాపులరైన డాక్టర్ అనిల్ విశ్వనాథ్, ఈ ప్రతిష్టాత్మక వెంచర్‌కు కథ, స్క్రీన్‌ప్లే, డైలాగ్స్ అందించడంతో పాటు షోరన్నర్‌గా వ్యవహరిస్తున్నారు. ఈ చిత్రాన్ని శ్రీనివాసా సిల్వర్ స్క్రీన్ బ్యానర్‌పై శ్రీనివాసా చిట్టూరి నిర్మించారు. పవన్ కుమార్ ఈ చిత్రాన్ని సమర్పిస్తున్నారు. ఈ ప్రాజెక్ట్‌కు నాని కాసరగడ్డ దర్శకత్వంతో పాటు ఎడిటింగ్‌ని నిర్వహిస్తారు. సోమవారం ఈ సినిమా టైటిల్‌ను ఒక స్పైన్ చిల్లింగ్ టీజర్ ద్వారా రిలీజ్ చేశారు. ఈ చిత్రానికి 12ఎ రైల్వే కాలనీ అని ఆసక్తికర టైటిల్ పెట్టారు.
టీజర్ సినిమా కథను గ్లింప్స్‌లా చూపించింది. టీజర్‌లో వింతైన, కలవరపెట్టే సంఘటనలు ఆసక్తికరంగా వున్నాయి. ప్రతి పాత్ర కూడా అనుమానాస్పదంగా వుంది. అల్లరి నరేష్ పాత్ర ఒకరిని షూట్ చేసి నవ్వడం ప్రేక్షకులను ఆ పాత్ర గురించి మరింత తెలుసుకోవాలనే ఆసక్తిని కలిగించేలా వుంది. అల్లరి నరేష్ డిఫరెంట్ షేడ్స్‌తో మరో ఆసక్తికరమైన పాత్రను పోషించగా, పోలిమేరా సిరీస్ ఫేమ్ డాక్టర్ కామాక్షి భాస్కర్ల కథానాయికగా నటించారు. సాయి కుమార్, వైవా హర్ష, గెటప్ శ్రీను, సద్దాం, జీవన్ కుమార్, గగన్ విహారి, అనినాష్ కురువిల్లా, మధుమణి కీలక పాత్రలు పోషిస్తున్నారు. ఈ సమ్మర్‌లో సినిమాను విడుదల చేస్తామని మేకర్స్ ప్రకటించారు.